ମୁମ୍ବାଇ: ମହାରାଷ୍ଟ୍ରରେ ସରକାର ଗଠନ ନେଇ ଚାଲିଥିବା ଅଚଳାବସ୍ଥା ଏ ଯାଏଁ ଦୂର ହୋଇନାହିଁ । ସିଏମ୍ ସିଟ୍କୁ ନେଇ ସସପେନ୍ସ ବି ଜାରି ରହିଛି । ଶନିବାର ଅର୍ଥାତ ନଭେମ୍ବର ୯ରେ ମହାରାଷ୍ଟ୍ରର ବିଧାନସଭା କାର୍ଯ୍ୟକାଳ ସରିବ ।
ଏହା ପୂର୍ବରୁ ଶୁକ୍ରବାର ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନଭିସ ନିଜ ପଦରୁ ଇସ୍ତଫା ଦେଇଛନ୍ତି । ମହାରାଷ୍ଟ୍ର ରାଜ୍ୟପାଳ ଭଗତ ସିଂ କୋଶ୍ୟାରୀଙ୍କୁ ଭେଟି ସେ ନିଜର ଇସ୍ତଫାପତ୍ର ପ୍ରଦାନ କରିଛନ୍ତି ।
ରାଜଭନରେ ଇସ୍ତଫା ପ୍ରଦାନ ପରେ ସେ ସାମ୍ବାଦିକ ସମ୍ମିଳନୀ କରିଥିଲେ । ଗତ ୫ ବର୍ଷ ତାଙ୍କୁ ସହ ଥିବାରୁ ମହାରାଷ୍ଟ୍ରବାସୀ ଓ ସମସ୍ତ ସହଯୋଗୀଙ୍କୁ ଧନ୍ୟବାଦ ଦେଇଛନ୍ତି ।
ଏଠାରେ ସୂଚନା ଯୋଗ୍ୟ ଯେ ୨୮୮ ସଦସ୍ୟ ବିଶିଷ୍ଟ ମହାରାଷ୍ଟ୍ର ବିଧାନସଭା ନିର୍ବାଚନରେ ବିଜେପି ୧୦୫ ଆସନ ଜିତିଛି । ଶିବସେନା ୫୬ଟି ଆସନରେ ବିଜୟୀ ହୋଇଛି ।
ଏହାସହ ବିରୋଧୀ କଂଗ୍ରେସକୁ 44 ଓ ତାର ସହଯୋଗୀ ଏନସିପିକୁ 54 ଟି ଆସନରେ ବିଜୟ ମିଳିଛି । ଏପର୍ଯ୍ୟନ୍ତ ବିଜେପି-ଶିବସେନା ମେଣ୍ଟରେ ବିବାଦ କାରଣରୁ ସରକାର ଗଠନ ଏପର୍ଯ୍ୟନ୍ତ ସମ୍ଭବପର ହୋଇପାରିନାହିଁ ।
