ଅହମ୍ମଦାବାଦ: ପୂର୍ବରୁ ଚାଷୀ ହଳ ଲଙ୍ଗଳରେ ଚାଷ କରି ଜମିରେ ସୁନା ଫଳାଉଥିଲେ। ଆଉ ଭଲ ଫସଲ ପାଇଁ ଚାଷୀ ତା ଜମିରେ ହାଡଭଙ୍ଗା ପରିଶ୍ରମ କରିଥାଏ। ହେଲେ ସମୟ ବଦଳିବା ସହ ବଦଳୁଛି ଲୋକଙ୍କ ମାନସିକତା । ଆଉ ଆଧୁନିକ ଯୁଗରେ ବ୍ୟବାହର ହେଉଛି ବିଭିନ୍ନ ବୈଜ୍ଞାନିକ ଜ୍ଞାନକୌଶଳ । ଏହାର ଉପଯୋଗ କରି ଚାଷୀ କମ ସମୟର ଅଧିକ ଫସଲ ଅମଳ କରିବା ସହ ଲାଭବାନ ହେଉଛି । ବର୍ତ୍ତମାନ ଚାଷୀଙ୍କ କାମକୁ ହାଲୁକା କରିବା ପାଇଁ ନିର୍ମାଣ ହୋଇଛି ଡ୍ରୋନ ।
ତେବେ ଚାଷୀଙ୍କ କାମକୁ ଆହୁରି ସହଜ କରିବା ଉଦ୍ଦେଶ୍ୟରେ ନିର୍ମାଣ ହୋଇଛି ଏକ ଅଜବ ଡ୍ରୋନ । ଗୁଜୁରାଟର ଦୁଇ ଯୁବ ଇଞ୍ଜିନିୟର ଦେବାଂଶ ଆଚାର୍ଯ୍ୟ ଏବଂ ଶ୍ରେୟ ଦଲୱାଡି ନିର୍ମାଣ କରିଛନ୍ତି ଏହି ଡ୍ରୋନ। ଜମିରେ ଫସଲ ଆରମ୍ଭ ହେବା ପରେ ଏହି ଡ୍ରୋନ ଆପଣଙ୍କ ଜମି ଉପରେ ରଖିବ କଡା ନଜର । ଏଥିରେ ଲାଗିଥିବା ହାଇକ୍ୱାଲିଟି କ୍ୟାମେରା ଧାନର ମୂଳରୁ ପତ୍ର ପର୍ଯ୍ୟନ୍ତ ନଜର ରଖିବ। ଏହାଦ୍ୱାରା ଆପଣ ଫସଲର ସ୍ଥିତି ସମ୍ପର୍କରେ ଜାଣିପାରିବେ।
ଏହି ଦୁଇ ଇଞ୍ଜିନିୟର ପ୍ରଥମେ ଡ୍ରୋନଟି କାର୍ଯ୍ୟକାରୀ ହେଉଛି କି ନାହିଁ ଚାଷ ଜମିରେ ପରୀକ୍ଷା କରି ଦେଖିଥିଲେ । ଡ୍ରୋନରେ ଲାଗିଥିବା ମଲଟିସ୍ପେକ୍ଟ୍ରମ କ୍ୟାମେରାର ବ୍ୟବହାର କରାଯାଇଛି । ଧାନ କିଆରରି କୋଣକୋଣର ଡାଟା ରଖିପାରିବ ଏହି ଡ୍ରୋନ। ତେବେ ଦେବାଂଶଙ୍କ କହିବା ଅନୁସାରେ, ପ୍ରଥମେ ଆମେ ଚାଷୀଙ୍କ ସମସ୍ୟା ବିଷୟରେ ଅବଗତ ହୋଇଥିଲୁ । ଆଉ ତାଙ୍କୁ କେଉଁ ଉପାୟରେ ସହାୟତା କରାଯାଇ ପାରିବେ ସେ ବିଷୟରେ ଚିନ୍ତା କରିଥିଲୁ । ଶେଷରେ ଏହି ଡ୍ରୋନ ନିର୍ମାଣ କରିବା ବୁଦ୍ଧି ଆସିଥିଲା । ଆଉ ଏଥିଲାଗି ଆମେ ନୂଆ ସଫ୍ଟୱେର ମଧ୍ୟ ତିଆରି କରିଥିଲୁ ।
