ନୂଆଦିଲ୍ଲୀ: CAA, NRC ତାତି ଥମୁ ନଥିବାବେଳେ ଦିଲ୍ଲୀରେ ଥିବା ଜାମିଆ ମିଲିଆ ଇସଲାମିକ ବିଶ୍ବବିଦ୍ୟାଳୟର ମଧ୍ୟ ଏହାର ପ୍ରଭାବ ଦେଖିବାକୁ ମିଳିଛି । ଏହି ବିଶ୍ବବିଦ୍ୟାଳୟର ଛାତ୍ରମାନେ CAA, NRC ଏବଂ NPR ବିରୋଧରେ ବିକ୍ଷୋଭ ପ୍ରଦର୍ଶନ କରିଛନ୍ତି ।
ଏହି ବିକ୍ଷୋଭ ଲଗାତର ଅଢେଇ ମାସରୁ ଅଧିକ ସମୟ ଧରିଚାଲିଥିବାବେଳେ ସ୍ଥାନୀୟ ଲୋକମାନେ ମଧ୍ୟ ଏଥିରେ ଯୋଗ ଦେଇଛନ୍ତି । ଏହି ଆନ୍ଦୋଳନ ଜାମିଆର 7ନଂ ଗେଟ୍ ରେ ଛାତ୍ରଙ୍କ ଦ୍ବାରା ଚାଲିଥିବାବେଳେ ଏଥିରେ ବହୁ ସଂଖ୍ୟକ ସ୍ଥାନୀୟ ମହିଳା ମଧ୍ୟ ଯୋଗ ଦେଇଥିଲେ । ଏଥିରେ ବକ୍ତାମାନେ CAA, NRC ଏବଂ NPR ବିରୋଧରେ ନିଜ ନିଜର ମତ ରଖିବା ସହ ଟ୍ରାଫିକକୁ ମଧ୍ୟ ସୁରୁଖୁରୁରେ ପରିଚାଳିତ କରନ୍ତି । ଯଦିଓ ଜାମିଆ ବିକ୍ଷୋଭ ପ୍ରଦର୍ଶନ ଯୋଗୁଁ ଏକପାଖିଆ ରାସ୍ତା ଅବରୋଧ କରାଯାଇଛି । ଗତ ଡିସେମ୍ବର 15ରେ ହୋଇଥିବା ହିଂସାରେ ବସ୍ ଭଙ୍ଗାରୁଜା କରିବା ସହ ଅଗ୍ନିକାଣ୍ଡ ଘଟିଥିଲା । ଏନେଇ କ୍ରାଇମ ବ୍ରାଞ୍ଚ ଦ୍ବାରା ତଦନ୍ତ ଜାରି ରହିଥିବାବେଳେ ମାମଲା ରୁଜ୍ଜୁ ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
