ନୂଆଦିଲ୍ଲୀ: ଦେଶରେ ଜାରି ରହିଛି ମହାମାରୀ କୋରୋନାର ସଙ୍କଟ । ଏପରିସ୍ଥିତିରେ ସଂକ୍ରମଣ ରୋକିବାକୁ କେନ୍ଦ୍ର ସରକାରଙ୍କ ପକ୍ଷରୁ ଲାଗୁ ହୋଇଥିଲା ଲକଡାଉନ । ହେଲେ ଏହି ଲକଡାଉନ ସମୟରେ ଦେଶର ରାଜଧାନୀ ଦିଲ୍ଲୀରେ ଗଞ୍ଜେଇ ଓ ଅଫିମ ଭଳି ବିଭିନ୍ନ ନିଶାଦ୍ରବ୍ୟର ଚୋରାଚାଲାଣ ବଢିଯାଇଥିବା ନେଇ ବଡ ଖୁଲାସା କରିଛି ନେକ୍ରୋଟିକ କଣ୍ଟ୍ରୋଲ ବ୍ୟୁରୋ ( ଏନସିବି) ।
ଲକଡାଉନରେ ଅତ୍ୟାବଶ୍ୟକ ସେବା, ଯେପରିକି ଫଳ ପନିପରିବା ଓ ରାସନ ନେଇ ଯାତାୟତ କରୁଥିବା ଗାଡି ପାଇଁ ପାସ ଜାରି ହୋଇଥିବାବେଳେ ଏହାର ଅପ ବ୍ୟବହାର କରୁଛନ୍ତି ନିଶାଦ୍ରବ୍ୟ ଚୋରାଚାଲାଣକାରୀ । ଏପରିକି ଟ୍ରକର ଟାୟାରରେ ମଧ୍ୟ ଅଫିମ ଲୁଚାଇ ଅଣାଯାଉଥିବାବେଳେ ଏହାକୁ ଜବତ କରିଛି ଏନସିବି । ଏନେକ ସମୟରେ କ୍ରାଇମବ୍ରାଞ୍ଚ ମଧ୍ୟ ଏହି ଚୋରାଚାଲାଣକାରୀଙ୍କ ଏହି ତକଳାକାରନାମାକୁ ପର୍ଦ୍ଦାଫାସ କରିଛି, ହେଲେ ତଥାପି ଏହା ଉପରେ ଏଯାବତ ଅଙ୍କୁଶ ଲଗାଯାଇପାରିନାହିଁ । ଲକଡାଉନ ସମୟରେ ଆନ୍ଧ୍ରପ୍ରଦେଶ ଓ ଆମ ରାଜ୍ୟ ଓଡିଶାକୁ ମଧ୍ୟ ବିପୂଳ ପରିମାଣରେ ଗଞ୍ଜେଇ ଚୋରାଚାଲାଣ ହୋଇଥିବା ପୋଲିସ ସୂତ୍ରରୁ ସୂଚନା ମିଳିଛି । ଏହି ରାଜ୍ୟଗୁଡିକର ଅଧିକାଂଶ ଅଞ୍ଚଳ ମାଓପ୍ରବଣ ହୋଇଥିବାରୁ ଏଠାରେ ରେଡ୍ କରିବା ସମ୍ଭବ ହୋଇନଥାଏ । ଏହାର ସୁଯୋଗ ନେଇ ନିଶାଦ୍ରବ୍ୟ ଚୋରାଚାଲାଣକାରୀମାନେ ପୋଲିସ ଆଖିରେ ଧୂଳି ଦେବାରେ ସଫଳ ହେଉଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
