ନୂଆଦିଲ୍ଲୀ: କୁହୁ଼ଡି ବଳୟରେ ରାଜଧାନୀ ଦିଲ୍ଲୀ । ସୋମବାର ଦିଲ୍ଲୀର କେତେକ ଅଞ୍ଚଳରେ ଘନ କୁହୁଡି ବଢିବା କାରଣରୁ ଦିଲ୍ଲୀ ବାୟୁ ଗୁଣବତ୍ତା ବିଗିଡିବାରେ ଲାଗିଛି ।
କିଛି ଦିନ ହେବ ରାଜଧାନୀ ଦିଲ୍ଲୀରେ ଶୀତ ସହିତ ଘନ କୁହୁଡି ପ୍ରବାହ ଜାରି ରହିଛି । ପ୍ରବଳ କୁହୁଡି ପ୍ରବାହ କାରଣରୁ ଦୃଶ୍ୟମାନରେ ଅସୁବିଧା ପରିଲିକ୍ଷିତ ହୋଇଛି । ଫଳରେ ଟ୍ରାଫିକ ସମସ୍ୟା ଦେଖାଦେଇଛି। ଭାରତୀୟ ପାଣିପାଗ ବିଭାଗର ସୂଚନା ଅନୁସାରେ ଆଜି ଦିଲ୍ଲୀର ତାପମାତ୍ରା 9.6 ଡିଗ୍ରୀ ସେଲସିୟସ ରହିଛି ।
ସାଫାରର ସୂଚନା ଅନୁସାରେ ଦିଲ୍ଲୀରେ ଏପରି ଘନ କୁହୁଡି ପ୍ରବାହ କାରଣରୁ ବାୟୁ ଗୁଣବତ୍ତା ବିଗିଡିବାରେ ଲାଗିଛି । ଏକ୍ୟୁଆଇ ମାନରେ ଦିନକୁ ଦିନ ଗୁରୁତର ହେଉଛି ଦିଲ୍ଲୀ ବାୟୁ ଗୁଣବତ୍ତା । ପବନର ବେଗ ବଢିବା ସହିତ ଆଗାମୀ କିଛି ଦିନ ରାଜଧାନୀ ଦିଲ୍ଲୀରେ ଏପରି ସ୍ଥିତି ଜାରି ରହିବ ବୋଲି କହିଛି ପାଣିପାଗ ବିଭାଗ।
ଦିଲ୍ଲୀରେ ବାୟୁ ପ୍ରଦୂଷଣ ସହିତ ଶୀତ ଓ ଘନ କୁହୁଡି ପ୍ରବାହରେ ଅଣନିଶ୍ବାସୀ ହୋଇପଡିଛନ୍ତି ଦିଲ୍ଲୀବାସୀ । ଏପରି ପରିବେଶରେ ଶ୍ବାସକ୍ରିୟାରେ ସମସ୍ୟା ଥିବା ବ୍ୟକ୍ତିଙ୍କୁ ସଚେତନ ରହିବାକୁ ପରାମର୍ଶ ଦେଇଛନ୍ତି ସ୍ବାସ୍ଥ୍ୟ ବିଶେଷଜ୍ଞ।
@ANI
