ନୂଆଦିଲ୍ଲୀ: ଦିଲ୍ଲୀରେ ପୁଣି ଥରେ ‘ଆପ୍’ ସରକାର । ଆମ ଆଦମୀ ପାର୍ଟି ବିଜୟ ଧ୍ବଜା ଉଡାଇଛି । ଦଳର ବିଜୟ ପରେ ମୁଖ୍ୟ ବିନ୍ଧାଣୀ ଅରବିନ୍ଦ କେଜ୍ରିୱାଲଙ୍କୁ ଚାରିଆଡୁ ଭିନ୍ନ ଭିନ୍ନ, ନିଆରା ବାର୍ତ୍ତା ମାଧ୍ୟମ ଶୁଭେଚ୍ଛା, ଅଭିନନ୍ଦନର ସୁଅ ଛୁଟୁଛି । ଏହି କ୍ରମରେ ଭାରତର ପ୍ରମୁଖ ଡାଏରୀ କମ୍ପାନୀ 'ଅମୁଲ' ମଧ୍ୟ ‘ଆପ୍’ସରକାରକୁ ନିଜ ରଚନାତ୍ମକ ବିଜ୍ଞାପନ ଜରିଆରେ ଶୁଭେଚ୍ଛା ଜଣାଇଛି ।
ଅମୁଲ କମ୍ପାନୀ ବୁଧବାର ଏକ ଡୁଡଲରେ ଜରିଆରେ ନିଜ ଅଫିସିଆଲ ପେଜରେ @ Amul _coop କ୍ୟାପସନ ସହିତ ଏକ ଡୁଡଲ ପୋଷ୍ଟ କରିଛି । ଅରବିନ୍ଦ କେଜ୍ରିୱାଲଙ୍କ ପାର୍ଟି ଲଗାତାର ତୃତୀୟ ଥର ପାଇଁ ସରକାର ଗଠନ କରିଥିବା ଲେଖିଛି ଅମୁଲ ।
-
#Amul Topical: Arvind Kejriwal’s party makes it three in a row in Delhi! pic.twitter.com/Ff1QnnLP8B
— Amul.coop (@Amul_Coop) February 12, 2020 " class="align-text-top noRightClick twitterSection" data="
">#Amul Topical: Arvind Kejriwal’s party makes it three in a row in Delhi! pic.twitter.com/Ff1QnnLP8B
— Amul.coop (@Amul_Coop) February 12, 2020#Amul Topical: Arvind Kejriwal’s party makes it three in a row in Delhi! pic.twitter.com/Ff1QnnLP8B
— Amul.coop (@Amul_Coop) February 12, 2020
ଅମୁଲର ଏହି ରଚନାତ୍ମକ ବିଜ୍ଞାପନରେ ଆପ ସୁପ୍ରିମୋ ଅରବିନ୍ଦ କେଜ୍ରିୱାଲ ଦଳୀୟ ଚିହ୍ନ ‘ଝାଡୁ’ରେ ବସି ଉଡୁଥିବା ଦେଖାଯାଇଛି । ଏହାସହ ପୋଷ୍ଟରେ ଅପରାଜିତ !(AAParajit) ଲେଖାଯାଇଛି । ଏହି ପୋଷ୍ଟ ସୋସିଆଲ ମିଡିଆରେ ଭାଇରାଲ ହେବା ପରେ ୟୁଜର୍ସଙ୍କ ମଜାଦାର ପ୍ରତିକ୍ରିୟା ଆସୁଛି ।
ଏଠାରେ ସୂଚନା ଯୋଗ୍ୟ ଯେ ଚଳିତ ଦିଲ୍ଲୀ ବିଧାନସଭା ନିର୍ବାଚନରେ ଅରବିନ୍ଦ କେଜ୍ରିୱାଲଙ୍କ ଆମ୍ ଆଦମୀ ପାର୍ଟି ପୁଣିଥରେ ଦିଲ୍ଲୀ ବିଧାନସଭା ଦଖଲ କରିଛି । ୭୦ ଆସନ ବିଶିଷ୍ଟ ଏହି ବିଧାନସଭା ନିର୍ବାଚନରେ ଆପ୍ ୬୨ଟି ଆସନରେ ଜିତିଛି ।
