ନୂଆଦିଲ୍ଲୀ: ବୁଧବାର ଉତ୍ତର-ପୂର୍ବ ଦିଲ୍ଲୀ ଦଙ୍ଗା ପ୍ରଭାବିତ ଅଞ୍ଚଳ ଓ କ୍ଷତିଗ୍ରସ୍ତ ବିଦ୍ୟାଳୟ ପରିଦର୍ଶନ କରିଥିଲେ କଂଗ୍ରେସର ପୂର୍ବତନ ମୁଖ୍ୟ ତଥା ସାଂସଦ ରାହୁଲ ଗାନ୍ଧୀ । ଏହିଗସ୍ତ ପରେ ସ କହିଛନ୍ତି ଯେ, ‘ବିଦ୍ୟାଳୟ ଭାରତର ଭବିଷ୍ୟତ, କିନ୍ତୁ ଘୃଣା ଓ ହିଂସା ଏହାକୁ ନଷ୍ଟ କରିଦେଇଛି । ଏଥିରେ କେହି ବି ଉପକୃତ ହୋଇନାହାଁନ୍ତି ବୋଲି ସେ କହିଛନ୍ତି ।
ବୁଧବାର ଦଙ୍ଗା ପ୍ରଭାବିତ ଅଞ୍ଚଳ ପରିଦର୍ଶନ ପରେ ଉତ୍ତର-ପୂର୍ବ ଦିଲ୍ଲୀର ବ୍ରିଜପୁରି ଠାରେ ଗଣମାଧ୍ୟମକୁ ସମ୍ବୋଧିତ କରି ଏଭଳି କହିଛନ୍ତି ରାହୁଲ ଗାନ୍ଧୀ ।
ଗାନ୍ଧୀ ଆହୁରି କହିଛନ୍ତି ଯେ, "ଏହା ଯନ୍ତ୍ରଣାଦାୟକ ସମୟ ଅଟେ, ମୁଁ ଆପଣଙ୍କୁ କହିବାକୁ ଆସିଛି ଯେ ଆମ ସମସ୍ତଙ୍କୁ ଏକଜୁଟ ହେବା ଏବଂ ଭଲପାଇବା, ଭାଇଚାରା ସହିତ ଏକାଠି ହୋଇ କାମ କରିବା । ଏକାଠି ହେଲେ ହିଁ ଭାରତକୁ ଆଗକୁ ନିଆଯାଇପାରିବ ବୋଲି କହିଛନ୍ତି ରାହୁଲ ଗାନ୍ଧୀ ।
ଯେତେବେଳେ ରାଜଧାନୀରେ ହିଂସା, ଦଙ୍ଗା ହୁଏ ତାହା ସାରା ବିଶ୍ବରେ ଭାରତର ପ୍ରତିଷ୍ଠା, ସମ୍ମାନରେ ପ୍ରଶ୍ନ ଉଠେ । ଦେଶର ଶକ୍ତି ଭାଇଚାରା, ଏକତା ଏବଂ ପ୍ରେମ କ୍ଷତିଗ୍ରସ୍ତ ହୋଇଛି ବୋଲି ସେ କହିଛନ୍ତି ।
ଏଭଳି ରାଜନୀତି କେବଳ ଏହି ବିଦ୍ୟାଳୟକୁ କ୍ଷତି ପହଞ୍ଚାଇନାହିଁ, ବରଂ ଦେଶ ଏବଂ ଭାରତ ମାତାଙ୍କୁ ମଧ୍ୟ କ୍ଷତି ପହଞ୍ଚାଇଛି । ଭାରତର ଭବିଷ୍ୟତ ପାଇଁ ଭାରତର ପ୍ରତିଷ୍ଠା ଅତ୍ୟନ୍ତ ଜରୁରୀ, ଯାହା ଦିଲ୍ଲୀରେ ଜଳି ଯାଇଛି ବୋଲି କହିଛନ୍ତି ରାହୁଲ ଗାନ୍ଧୀ ।
ଏଠାରେ ସୂଚନା ଯୋଗ୍ୟ , ଦିଲ୍ଲୀରେ ସିଏଏ ସପକ୍ଷ ଓ ବିରୋଧୀଙ୍କ ମଧ୍ୟରେ ଦେଖାଦେଇଥିବା ସଂଘର୍ଷରେ ଏଯାବତ୍ 47 ଜଣ ପ୍ରାଣ ହରାଇଛନ୍ତି । ଏହାସହ ଅନେକ ଆହତ ଚିକିତ୍ସିତ ହେଉଛନ୍ତି ।
@IANSଇନପୁଟ
