ନୂଆଦିଲ୍ଲୀ: ଦିଲ୍ଲୀ ମୁଖ୍ୟମନ୍ତ୍ରୀ କେଜ୍ରିୱାଲଙ୍କୁ ଦୃଢ ନିନ୍ଦା କଲା ଦିଲ୍ଲୀ ମେଡିକାଲ ଆସୋସିଏସନ । ଦିଲ୍ଲୀରେ କଳାବଜାରୀ କରୁଥିବା ହସ୍ପିଟାଲକୁ କେଜ୍ରିୱାଲ ଚେତବାନୀ ଦେବା ପରେ ସରକାରଙ୍କୁ ଘେରିଲେ ମେଡିକାଲ ଆସୋସିଏସନ । ମେଡିକାଲ ଆସୋସିଏସନ ପକ୍ଷରୁ କୁହାଯାଇଛି, ପ୍ରତିଦିନ ଡାକ୍ତରମାନେ ଯଥାସମ୍ଭବ ନିଜର ଉଦ୍ୟମ କରୁଛନ୍ତି । ତାଙ୍କୁ ଉତ୍ସାହିତ କିମ୍ବା ପ୍ରୋତ୍ସାହିତ କରିବା ବଦଳରେ ସରକାର କାର୍ଯ୍ୟାନୁଷ୍ଠାନ ନେବେ ବୋଲି କହୁଛନ୍ତି । ମହାମାରୀ ପାଇଁ ଡାକ୍ତରମାନେ ଅତ୍ୟଧିକ ଚାପଗ୍ରସ୍ତ ରହୁଛନ୍ତି । ଏହା ପରେ ଦିଲ୍ଲୀ ସରକାର ସେମାନଙ୍କ ଅନାବଶ୍ୟକ ଚାପ ପକାଉଛନ୍ତି ।
ମେଡିକାଲ ଆସୋସିଏସନଙ୍କ ଏହି ବିବୃତ୍ତି, ଶନିବାର କେଜ୍ରିୱାଲ ଗଣମାଧ୍ୟମକୁ ସାକ୍ଷାତକାର ଦେବା ପରେ ଆସିଛି । ମୁଖ୍ୟମନ୍ତ୍ରୀ କେଜ୍ରିୱାଲ ସମସ୍ତ ଘରୋଇ ହସ୍ପିଟାଲକୁ ଚେତାଇ କହିଥିଲେ, ସମସ୍ତ ଘରୋଇ ହସ୍ପିଟାଲ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଯଦି ସେମାନେ କୌଣସି କୋଭିଡ-19 ଆକ୍ରାନ୍ତ ଡାକ୍ତରଖାନା ଫେରାଇ ଦିଅନ୍ତି କିମ୍ବା ହସ୍ପିଟାଲ ବେଡକୁ ନେଇ କଳାବଜାରୀ କରନ୍ତି ।
କୋଭିଡ-19 ଟେଷ୍ଟିଂ ଗାଇଡଲାଇନ ଉଲ୍ଲଙ୍ଘନ କରିବା ଅଭିଯୋଗରେ ଶ୍ରୀ ଗଙ୍ଗା ରାମ ହସ୍ପିଟାଲରେ ନାମରେ ମାମଲା ରୁଜୁକୁ ମଧ୍ୟ ନିନ୍ଦା କରିଛି ମେଡିକାଲ ଆସୋସିଏସନ ।
ଡିଏମଏ ସଭାପତି ଡ. ବି ବି ୱାଡୱା ଦିଲ୍ଲୀ ସରକାରଙ୍କ ବିରୋଧରେ ଏକ ତାଲିକା ପ୍ରସ୍ତୁତ କରିଛନ୍ତି । ସରକାର ଏଥିପ୍ରତି ଯତ୍ନବାନ ହେବାକୁ କୁହାଯାଇଛି ।
- ଦିଲ୍ଲୀ ସରକାରଙ୍କ ଅଧିକାରୀଙ୍କ ସହିତ DMA ପ୍ରଫେସନାଲମାନଙ୍କୁ ନିଯୁକ୍ତ କରନ୍ତୁ । ଯେଉଁମାନେ କି ସମସ୍ତ ସୁବିଧାର ଦେଖାଶୁଣା କରିବେ ।
- Covid-19 ଆକ୍ରାନ୍ତଙ୍କୁ ପୂର୍ବରୁ ଚିହ୍ନଟ ପାଇଁ ପର୍ଯ୍ୟାପ୍ତ ସଂଖ୍ୟକ ପରୀକ୍ଷା ସୁବିଧା ପ୍ରଦାନ କରନ୍ତୁ ।
- Covid-19 ମୃତ୍ୟୁ ବୃଦ୍ଧି, ନିର୍ଦ୍ଦେଶାବଳୀ ଅନୁଯାୟୀ ଶରୀରକୁ ପରିବହନ ଏବଂ ଶବଦାହ କରିବା ପାଇଁ ଏକ ତ୍ୱରିତ ଏବଂ ଦକ୍ଷ ପ୍ରଣାଳୀ ସୃଷ୍ଟି କରନ୍ତୁ ।
- ପ୍ରତ୍ୟେକ ଅଞ୍ଚଳ ପାଇଁ ନୋଡାଲ୍ ଅଧିକାରୀ ଯିଏ କୋଭିଡ୍ କେୟାରର ସାମଗ୍ରିକ କାର୍ଯ୍ୟକୁ ସହଜ କରିବେ ।
