ନୂଆଦିଲ୍ଲୀ: ଦରମା ନମିଳିବା ଅଭିଯୋଗରେ ଦିଲ୍ଲୀର ହିନ୍ଦୁରାଓ ହସ୍ପିଟାଲରେ 450 ଜଣ ଡାକ୍ତର ଧାରଣାରେ ବସିଛନ୍ତି ।
ଡାକ୍ତରମାନେ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ଚିଠି ଲେଖିବା ସହିତ ସାମୁହିକ ଆତ୍ମହତ୍ୟା ପାଇଁ ଅନୁମତି ମାଗିଛନ୍ତି ।
ଡାକ୍ତରମାନଙ୍କୁ ଦରମାପାଇଁ ଦୁଇ ତିନିଥର ନଗର ନିଗମ ଓ ଦିଲ୍ଲୀ ସରକାରଙ୍କୁ ନେହୁରା ହେବାକୁ ପଡୁଛି ବୋଲି ଚିଠିରେ ଲେଖିଛନ୍ତି ।
ଦରମା ନ ମିଳୁଥିବାରୁ ପରିବାର ପାଳନ ପୋଷଣ କରିବା କଷ୍ଟ ହେଉଥିବା ବେଳେ ବାରମ୍ବାର କହିବା ସତ୍ତ୍ବେ କେହି ଶୁଣୁନଥିବାରୁ ଆତ୍ମହତ୍ୟା କରିବାକୁ ଚାହୁଁଛନ୍ତି ବୋଲି ଡାକ୍ତରମାନେ କହିଛନ୍ତି ।