ନୂଆଦିଲ୍ଲୀ: ବୁଧବାର ଦିଲ୍ଲୀ ହାଇକୋର୍ଟ ଏକ ଗୁରୁତ୍ବପୂର୍ଣ୍ଣ ମାମଲାର ଶୁଣାଣି କରିବେ । କେନ୍ଦ୍ର ଗୃହ ମନ୍ତ୍ରଣାଳୟ ପକ୍ଷରୁ ଆବେଦଲ ହୋଇଥିବା ନିର୍ଭୟା ମାମଲାର ଶୁଣାଣି କରିବେ । ପୂର୍ବରୁ ପଟିଆଲା ହାଉସ କୋର୍ଟ ନିର୍ଭୟା ଦୋଷୀଙ୍କ ଫାଶୀ ଦଣ୍ଡାଦେଶକୁ ସ୍ଥଗିତ ରଖିଥିଲେ। ପଟିଆଲା ହାଉସ କୋର୍ଟଙ୍କ ରାୟ ବିରୋଧରେ ଗୃହ ମନ୍ତ୍ରଣାଳୟ ଦିଲ୍ଲୀ ହାଇକୋର୍ଟଙ୍କ ଦ୍ବାରସ୍ଥ ହୋଇଛି ।
କେନ୍ଦ୍ର ସରକାର ନିଜ ଆବେଦନରେ ଦର୍ଶାଇଛନ୍ତି ଯେ, ଦୋଷୀ ଗୋଟିଏ ପରେ ଗୋଟିଏ ଗଳା ବାଟ ବାହାର କରି ଆଇନର ଦୁରୁପଯୋଗ କରୁଛନ୍ତି । ରିଭ୍ୟୁ, କ୍ୟୁରେଟିଭ ଏବଂ ରାଜକ୍ଷମା ଆବେଦନ କରି ଆଇନ ସହ ଖେଳୁଛନ୍ତି ବୋଲି କେନ୍ଦ୍ର ଦର୍ଶାଇଛି । କେନ୍ଦ୍ରର ଏହି ମାମଲାରେ ନିର୍ଭୟାଙ୍କ ବାପା ମା ମଧ୍ୟ ପକ୍ଷଭୁକ୍ତ ଅଛନ୍ତି । ଦାୟର ହୋଇଥିବା ମାମଲାର ଜଷ୍ଟିସ ସୁରେଶ କୁମାର କାଇ ଶୁଣାଣି କରିବେ ।
