ନୂଆଦିଲ୍ଲୀ: ଲକଡାଉନରେ ଫସି ରହିଥିବା ଶ୍ରମିକଙ୍କ ନିଜ ରାଜ୍ୟକୁ ପ୍ରତ୍ୟାବର୍ତ୍ତନ କରିବା ନେଇ ଦିଲ୍ଲୀ ସରକାରଙ୍କ ଏକ ବିବୃତ୍ତିରେ କୁହାଯାଇଛି ଯେ, ବର୍ତ୍ତମାନର ନିର୍ଦ୍ଦେଶାବଳୀ ଅନୁଯାୟୀ ପ୍ରବାସୀ ଶ୍ରମିକଙ୍କ ଯାତ୍ରା ଖର୍ଚ୍ଚ କେନ୍ଦ୍ର ସରକାର ଏବଂ ସେମାନଙ୍କ ରାଜ୍ୟ ସରକାର ବହନ କରୁଛନ୍ତି । କିନ୍ତୁ, ଦିଲ୍ଲୀ ସରକାର ଏହି ପ୍ରବାସୀମାନଙ୍କୁ ନିଜ ଘରକୁ ପଠାଇବାରେ ଲାଗିଥିବା ଯାତ୍ରା ଖର୍ଚ୍ଚ ବହନ କରିବାକୁ ନିଷ୍ପତ୍ତି ନେଇଛନ୍ତି।
ବିବୃତ୍ତି ଅନୁଯାୟୀ, ସରକାର ଦିଲ୍ଲୀରେ ଫସି ରହିଥିବା ଶ୍ରମିକଙ୍କ ତାଲିକା ସମ୍ପୃକ୍ତ ରାଜ୍ୟକୁ ପଠାଇ ସାରିଛନ୍ତି । ଏହି ସମୟରେ, ସରକାର ଶୁକ୍ରବାର ସମସ୍ତ ଜିଲ୍ଲା ମାଜିଷ୍ଟ୍ରେଟ ଏବଂ ପୋଲିସର ଡେପୁଟି କମିଶନରଙ୍କୁ ଲକଡାଉନ ସମୟରେ ଅନୁମତିପ୍ରାପ୍ତ ଅର୍ଥନୈତିକ କାର୍ଯ୍ୟକଳାପର ସୁଗମ ଆଚରଣ ସୁନିଶ୍ଚିତ କରିବାକୁ ନିର୍ଦ୍ଦେଶ ଦେଇଛନ୍ତି ।
ସରକାର ଏକ ଅଭିଯୋଗ ଗ୍ରହଣ କରିଛନ୍ତି ଯେ, କେତେକ ସରକାରୀ ଏଜେନ୍ସି ଏବଂ ରେସିଡେଣ୍ଟ ୱେଲଫେୟାର ଆସୋସିଏସନ ଦିଲ୍ଲୀ ସରକାରଙ୍କ ନିର୍ଦ୍ଦେଶରେ ବାଧା ସୃଷ୍ଟି କରୁଛନ୍ତି, ଯାହାକୁ ଦୃଷ୍ଟିରେ ରଖି ମୁଖ୍ୟ ଶାସନ ସଚିବ ବିଜୟ ଦେବ ଏହି ନିର୍ଦ୍ଦେଶ ଦେଇଛନ୍ତି। ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ ବୁଧବାର ଦେବଙ୍କୁ ପଠାଇଥିବା ଏକ ଚିଠିରେ ଏହି ପ୍ରସଙ୍ଗ ଉଠାଇଛନ୍ତି।
ଏହି ସମୟରେ, ଦିଲ୍ଲୀରେ କୋଭିଡ-19ରେ ସଂକ୍ରମିତଙ୍କ ସଂଖ୍ୟା 338 ହେବା ପରେ ଶୁକ୍ରବାର ସଂକ୍ରମିତଙ୍କ ସଂଖ୍ୟା 6,318କୁ ବୃଦ୍ଧି ପାଇଛି। ସେଥିମଧ୍ୟରୁ 68 ଜଣ ବର୍ତ୍ତମାନ ପର୍ଯ୍ୟନ୍ତ ପ୍ରାଣ ହରାଇଛନ୍ତି। ତେବେ ବର୍ତ୍ତମାନ ସୁଦ୍ଧା ରାଜ୍ୟରେ ସମୂଦାୟ 6 ହଜାର 318ରେ ପହଞ୍ଚିଛି ଆକ୍ରାନ୍ତଙ୍କ ସଂଖ୍ୟା । ସେଥିମଧ୍ୟରୁ 68 ଜଣ ପ୍ରାଣ ହରାଇଥିବାବେଳେ, 2020 ଜଣ ସୁସ୍ଥ ହୋଇଛନ୍ତି ।
