ନୂଆଦିଲ୍ଲୀ: ଏମ୍ସରେ ଚିକିତ୍ସିତ ହେଉଥିବା ଅଣକୋଭିଡ ରୋଗୀଙ୍କୁ ଯୋଗାଇ ଦିଆଯିବ ନୂତନ ସୁବିଧା । ଏନେଇ ଏମ୍ସ ନିଷ୍ପତ୍ତି ନେଇଛି। ରୋଗୀମାନେ ଅନଲାଇନ ରେଜିଷ୍ଟ୍ରେସନ କରିପାରିବେ ଏବଂ ଏପ୍ରିଲ 20ରୁ ଫୋନ ମାଧ୍ୟମରେ ଡାକ୍ତରଙ୍କ ପରାମର୍ଶ ନେଇପାରିବେ ।
ପୂର୍ବରୁ ଆପଏଣ୍ଟମେଣ୍ଟ ନେଇଥିବା ରୋଗୀଙ୍କ ସହ ଟେଲିଫୋନରେ କଥା ହେବେ ଡାକ୍ତର । ଏପରି କରିବା ଦ୍ବାରା ସେମାନଙ୍କୁ ବାରମ୍ବାର ହସ୍ପିଟାଲ ଆସିବା ପାଇଁ ପଡିବନାହିଁ । ସାମାଜିକଦୂରତ୍ବ ମଧ୍ୟ ବଜାୟ ରହିବ । ଲକଡାଉନର କୌଣସି ଆଦେଶ ମଧ୍ୟ ଉଲ୍ଲଂଘନ ହେବ ନାହିଁ ।
ପୂର୍ବରୁ ଚିକିତ୍ସିତ ହେଉଥିବା ରୋଗୀଙ୍କୁ ଏପରି କରିବା ନେଇ ପରାମର୍ଶ ଦିଆଯାଇଥିଲା । ସେମାନେ ବର୍ତ୍ତମାନ ଅନଲାଇନ୍ ରେଜିଷ୍ଟ୍ରେସନ୍ କରିପାରିବେ । ଦିଆଯାଇଥିବା ତାରିଖରେ ସମ୍ପୃକ୍ତ ବିଭାଗ ଏବଂ ବିଶେଷଜ୍ଞ ଡାକ୍ତରମାନେ ଏହି ରୋଗୀମାନଙ୍କୁ କଲ କରିବେ ଏବଂ ସେମାନଙ୍କୁ ଆବଶ୍ୟକ ଚିକିତ୍ସା ନେଇ ପରାମର୍ଶ ଦେବେ ।
