ନୂଆଦିଲ୍ଲୀ: ଶ୍ବାସରୁଦ୍ଧ ହୋଇ 5 ସଫେଇ କର୍ମଚାରୀ ମୃତ । ଏହି ଘଟଣାଟି ରବିବାର ଅପରାହ୍ନ ସମୟରେ ଦିଲ୍ଲୀର ମୋତିନଗର ଅଞ୍ଚଳରେ ଘଟିଛି । ମୃତ କର୍ମଚାରୀମାନଙ୍କ ବୟସ 22 ରୁ 30 ବର୍ଷ ମଧ୍ୟରେ ହେବ ।
ସୂଚନା ଅନୁଯାୟୀ, କର୍ମଚାରୀମାନେ ଦିଲ୍ଲୀ ମୋତି ନଗର ଅଞ୍ଚଳରେ ଡିଏଲଏଫ ଫ୍ଲାଟର ଆବର୍ଜନା ନଳା ସଫା କରୁଥିଲେ । ଏହି ସମୟରେ ବିଷାକ୍ତ ଗ୍ୟାସ ଦୁର୍ଗନ୍ଧରେ କର୍ମଚାରୀମାନେ ଅଣନିଶ୍ବାସୀ ହୋଇଯାଇଥିଲେ । ଫଳରେ ଘଟଣାସ୍ଥଳରେ 2 ଜଣଙ୍କ ମୃତ୍ୟୁ ହୋଇଛି । ସେମାନଙ୍କ ମଧ୍ୟରୁ ଅନ୍ୟ 3ଜଣଙ୍କୁ ସଙ୍ଗେ ସଙ୍ଗେ ଦିଲ୍ଲୀର ଦିନଦୟାଲ ଉପାଧେୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସେଠାରେ ଚିକିତ୍ସିତ ଅବସ୍ଥାରେ ଡାକ୍ତର ତାଙ୍କୁ ମୃତ ଘୋଷଣା କରିଛି ।
ଖବର ଅନୁଯାୟୀ, ଦିଲ୍ଲୀ ସହରରେ ଏପରି ଘଟଣା ବହୁବାର ଦେଖିବାକୁ ମିଳିଛି । ତେବେ ଘଟଣାକୁ ନେଇ ଦିଲ୍ଲୀ ସରକାରଙ୍କୁ ସିଧାସଳଖ ଦାୟୀ କରାଯାଇଛି । କାରଣ କେଜ୍ରିୱାଲଙ୍କ ସରକାରଙ୍କ ବହୁବାର ଆର୍ବଜନା ସଫା ପାଇଁ ଟେକ୍ନୋଲୋଜିର ବ୍ୟବହାରପାଇଁ ପ୍ରତିଶୃତି ଦେଇଥିଲେ ମଧ୍ୟ ତାକୁ ପୂରଣ କରି ନାହାଁନ୍ତି । ଯାହା ଫଳରେ ବହୁ ନୀରିହ ଲୋକଙ୍କ ଜୀବନ ଅକାଳରେ ଚାଲିଯାଉଛି । ନୀରିହ ଲୋକଙ୍କ ଜୀବନ ସହ କେଜ୍ରିୱାଲ ସରକାର ଖେଳୁଥିବା କାରୋଲ ବାଗ୍ ବିଜେପି ସଭାପତି ଭାରତ ଭୂଷଣ ମଣ୍ଡନକହିଛନ୍ତି ।
ଘଟଣା ପରେ ଦିଲ୍ଲୀ ସହର 99 ୱାଡର କାଉନସିଲର ସୁନୀତା ମିଶ୍ର ଗଭୀର ଦୁଃଖ ପ୍ରକାଶ କରିଛନ୍ତି । ଏହାସହ ମୃତକ ମାନଙ୍କ ପରିବାରକୁ 50 ଲକ୍ଷ ଟଙ୍କାର ସହାୟତା ରାଶି ଘୋଷଣା କରିଛନ୍ତି ।
