ଅଯୋଧ୍ୟା: ଦୀପାବଳିକୁ ନେଇ ଉତ୍ସବ ମୁଖରିତ ଅଯୋଧ୍ୟା । ପାଞ୍ଚ ଲକ୍ଷରୁ ଊର୍ଦ୍ଧ୍ବ ଦୀପରେ ଝଲସିଲା ରାମ ନଗରୀ । ଅଯୋଧ୍ୟାର ଦୀପୋତ୍ସୋବ କାର୍ଯ୍ୟକ୍ରମ ଏବେ କରିଛି ଓ୍ବାର୍ଲ୍ଡ ରେକର୍ଡ ।
ରାମ ନଗରୀ ଅଯୋଧ୍ୟାର ଦୀପୋତ୍ସବ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଯୋଗଦାନ ପରେ ଆରମ୍ଭ ହୋଇଥିଲା ଦୀପ ଜଳା କାର୍ଯ୍ୟକ୍ରମ । ଅଯୋଧ୍ୟାର ସରଜୁ ନଦୀ ତଟରେ ଜଳିଛି 5 ଲକ୍ଷରୁ ଊର୍ଦ୍ଧ୍ବ ଦୀପ । ଏହା ସହ ଏହି ଦୀପୋତ୍ସବ କାର୍ଯ୍ୟକ୍ରମ ଗିନିଜ ଓ୍ବାର୍ଲ୍ଡ ରେକର୍ଡ କରିଛି ।
ରାମନଗରୀରେ ଦୀପବଳିକୁ ଆହୁରି ଖାସ କରିବା ପାଇଁ ସ୍କୁଲ ଛାତ୍ରଛାତ୍ରୀଙ୍କ ଭୂମିକା ରହିଛି । ଛାତ୍ରଛତ୍ରୀଙ୍କ ଦ୍ବାରା ଭଗବାନ ରାମଙ୍କ ଜୀବନ ଉପରେ ଆଧାରିତ ଚିତ୍ରକଳା ଆଲୋକର ପର୍ବ ଦୀପାବଳିକୁ ଆହୁରି ଆଲୋକିତ କରିଦେଇଛି ।
