ନୂଆଦିଲ୍ଲୀ: ଶନିବାର କଂଗ୍ରେସ ବାଛିବ ନୂଆ ଅଧକ୍ଷ । ଏଥିପାଇଁ ଦଳ ଆରମ୍ଭ କରିଛି କସରତ । ଆଜି ସୋନିଆ ଗାନ୍ଧୀଙ୍କ ବାସଭବନରେ ଲାଗିଛି ବରିଷ୍ଠ ନେତାଙ୍କ ଭିଡ଼ । ଆଲୋଚନାରେ ନେତା ବଛାଯିବା ପରେ ଆସନ୍ତାକାଲି ହୋଇପାରେ ଘୋଷଣା । ଆଉ ଏହି ଦୌଡ଼ରେ ଆଗରେ ଅଛନ୍ତି ଦଳର 59 ବର୍ଷୀୟ ମୁକୁଲ ୱାସନିକ ।
ସୂଚନା ମୂତାବକ ଦଳର ପୂର୍ବତନ ଅଧକ୍ଷା ସୋନିଆ ଗାନ୍ଧୀଙ୍କ ବାସଭବନରେ ଆଜି ବସିଛି ବୈଠକ । ବୈଠକରେ ଦଳର ବରିଷ୍ଠ ନେତା କେସି ବେଣୁଗୋପାଲ, ଅହମ୍ମଦ ପଟେଲ ଓ ଏ.କେ ଆଣ୍ଟୋନିଙ୍କ ସମେତ ଅନେକ ବରିଷ୍ଠ ନେତା ଯୋଗ ଦେଇଛନ୍ତି ।
ଚଳିତ ବର୍ଷ ସାଧାରାଣ ନିର୍ବାଚନରେ କଂଗ୍ରେସର ଘଟିଥିଲା ବିପୁଳ ବିପର୍ଯ୍ୟୟ । ଏହା ପରେ ଅଧକ୍ଷ ପଦରୁ ଇସ୍ଥଫା ଦେଇଥିଲେ ରାହୁଲ ଗାନ୍ଧୀ । ଫଳରେ ଦଳର ଅଧକ୍ଷ ପଦବୀ ଖାଲି ପଡ଼ିଥିଲା ।
