ଶ୍ରୀନଗର: ଜମ୍ମୁ କାଶ୍ମୀରର ଜିଲ୍ଲା ବିକାଶ ପରିଷଦ ନିର୍ବାଚନର ଫଳାଫଳ ସାମ୍ନାକୁ ଆସିଛି । ଶ୍ରୀନଗର ଡିଡିସିରେ ପ୍ରଥମ ଥର ବିଜୟ ହାସଲ କରିଛି ବିଜେପି । ତେବେ ଏହି ଆସନରୁ ବିଜେପି ପ୍ରାର୍ଥ ଏଜାଜ ହୁସେନ ଖୋନମୋହ ବିଜୟ ହାସଲ କରିଛନ୍ତି ।
ବିଜୟ ପରେ ଏଜାଜ କହିଛନ୍ତି, ଏହି ନିର୍ବାଚନ ବିଜେପି ବନାମ ସମସ୍ତ ଦଳର ଥିଲା । ଏହି ବିଜୟ ବିଜେପିର । ଜନସାଧାରଣ ପ୍ରଧାନମନ୍ତ୍ରୀ ମୋଦି ଓ ତାଙ୍କ ଯୋଜନା ଉପରେ ବିଶ୍ବାସ ପ୍ରକଟ କରିଛନ୍ତି । ତେବେ କାଶ୍ମୀରରେ ରାଷ୍ଟ୍ରବାଦୀ ଉଦ୍ଭା ହେଉଥିବା କହିଛନ୍ତି ଏଜାଜ ।
ଶ୍ରୀନଗରରେ ସମ୍ପନ୍ନ ହୋଇଥିବା ଡିଡିସି ନିର୍ବାଚନ ପାଇଁ ବିଜେପିର ଅନେକ ବରିଷ୍ଠ ନେତା ପ୍ରଚାର ଅଭିଯାନ ଚଳାଇଥିଲେ । ହୁସେନ ଏହାକୁ ରାଷ୍ଟ୍ରବାଦର ବିଜୟ ଦର୍ଶାଇ କହିଛନ୍ତି, ସମସ୍ତ ଦଳ ବିଜେପି ବିରୋଧରେ ଏକଜୁଟ ହୋଇ ନିର୍ବାଚନ ଲଢିଥିଲା । ତଥାପି ବିଜେପି ବିଜୟ ହାସଲ କରିଛି । ତେବେ ବିରୋଧୀ ଦଳଙ୍କ ଏକଜୁଟ ହୋଇ ନିର୍ବାଚନ ଲଢିବା ଏହା ବିଜେପି ପ୍ରତି ଭୟ ଦର୍ଶାଉଥିବା କହିଛନ୍ତି ଏଜାଜ ।
