ହାଇଦ୍ରାବାଦ: ମହାମାରୀର ରୂପ ନେଇଛି କୋରୋନା । ସାରା ବିଶ୍ବରେ ବ୍ୟାପିବାରେ ଲାଗିଛି ଏହାର ଭୟାବହତା । ଏମିତିରେ ଏହି ରୋଗରୁ ବର୍ତ୍ତିବା ପାଇଁ ଜାରି ହୋଇଛି ସରକାରୀ ସ୍ତରରେ ଆଡଭାଇଜରି । ହେଲେ ଏହା ବ୍ୟତୀତ ଅନଲାଇନ ବିଭିନ୍ନ ସାଇଟରେ ବି ଜାରି ହେଉଛି ଉପଦେଶ । ଯଦି ଆପଣ ବି ଏପରି କିଛି ସାଇଟରୁ କୋରୋନାରୁ ବଞ୍ଚିବା ପାଇଁ ଟିପ୍ସ ଫଲୋ କରୁଥାଆନ୍ତି, ତେବେ ସାବଧାନ ହୋଇଯାଆନ୍ତୁ । ଏହା ଆପଣଙ୍କ ଜୀବନ ପ୍ରତି ଅଧିକ ବିପଦ ସୃଷ୍ଟି କରିପାରେ ।
ନିମ୍ନଲିଖିତ କଥା ପ୍ରତି ରଖନ୍ତୁ ବିଶେଷ ଧ୍ୟାନ:
- ବର୍ତ୍ତମାନ ସମୟରେ କୋରୋନା ଭାଇରସରୁ ବଞ୍ଚିବା ପାଇଁ ମାସ୍କ ବ୍ୟବହାର କରିବା ପାଇଁ ଡାକ୍ତରମାନେ ପରାମର୍ଶ ଦେଉଛନ୍ତି । ହେଲେ ଏହି ମାସ୍କକୁ କେବଳ ମେଡିସିନ ଷ୍ଟୋରରୁ ନେବା ବୁଦ୍ଧିମତାର କାର୍ଯ୍ୟ । ମେଡିସିନ ଷ୍ଟୋର ବ୍ୟତୀତ ଯଦି ଆପଣ ଅନଲାଇନରେ ଏହି ମାସ୍କକୁ ନେଇ କୌଣସି ଆକର୍ଷଣୀୟ ଅଫରର ଜାଲରେ ପଡୁଛନ୍ତି ତେବେ ଏଥିରୁ ଶୀଘ୍ର ବାହାରିଯିବା ଭଲ ।
- ଅନଲାଇନରେ ମିଳୁଥିବା ‘ଏନ95’ ମାସ୍କରେ ଥିବା ଛିଦ୍ର ଦେଇ କୋରୋନା ଭୂତାଣୁ ଶରୀରରେ ପ୍ରବେଶ କରିପାରେ । ଏମିତିରେ ସର୍ଜିକାଲ ମାସ୍କ ବି ସମାନ ପରିଣାମ ଦେଇପାରେ । ତେଣୁ ଉଭୟଙ୍କ ମଧ୍ୟରେ ତର୍କର କୌଣସି ଆବଶ୍ୟକତା ନାହିଁ ।
- କୋରୋନାରୁ ମୁକ୍ତି ପାଇଁ ଅନଲାଇନରେ ଆପଣଙ୍କୁ ମିଳିପାରେ ଅନେକ ତେଲ ଓ ଔଷଧ ଆଦିର ଅପ୍ସନ । ଏହା ପଇସା କମାଇବାର ଏକ ସହଜ ଉପାୟ ମାତ୍ର । ଏସବୁରେ ବିଶ୍ବାସ ନକରି ଡାକ୍ତରଙ୍କ ପରାମର୍ଶ ନିଅନ୍ତୁ ।
- ଯେକୌଣସି ୱେବସାଇଟରେ କୋରୋନା ରୋଗ ସଂକ୍ରାନ୍ତରେ ସର୍ଚ୍ଚ କରନ୍ତୁ ନାହିଁ ।
- ବର୍ତ୍ତମାନ ସୁଦ୍ଧା ସରକାରୀ ଭାବେ କୋରୋନା ରୋଗ ଚିହ୍ନଟ ପାଇଁ କୌଣସି କିଟ ପ୍ରସ୍ତୁତ କରାଯାଇନାହିଁ । ତେଣୁ ଅନଲାଇନରେ ଦେଖାଉଥିବା ଏପରି କୌଣସି ପ୍ରଡକ୍ଟକୁ ବିଶ୍ବାସ କରନ୍ତୁ ନାହିଁ ।
- ଏପରି ସ୍ଥିତିରେ ହ୍ବାଟ୍ସଆପ ବା ଟିକଟିକରେ ଭାଇରାଲ ହେଉଥିବା ମେସେଜ ବା ଭିଡିଓକୁ ବିନା ଡାକ୍ତରୀ ପରାମର୍ଶରେ ବିଶ୍ବାସ କରନ୍ତୁ ନାହିଁ କି ଫରୱାର୍ଡ କରନ୍ତୁ ନାହିଁ ।
- ୟୁଟ୍ୟୁବରେ କୌଣସି ଭିଡିଓକୁ ବିନା ପ୍ରମାଣରେ ବିଶ୍ବାସ କରନ୍ତୁ ନାହିଁ ।
- ଦେହ ଅସୁସ୍ଥ ଥିଲେ ଅନଲାଇନରେ ରୋଗ ଲକ୍ଷଣ ଦେଖିବା ଅପେକ୍ଷା ଡାକ୍ତରୀ ପରୀକ୍ଷା କରାନ୍ତୁ ।
- ସୋସିଆଲ ମିଡିଆରେ ନିଜ ମତାମତ ରଖିବା ପୂର୍ବରୁ ଏହା କେତେଦୂର ଯୁକ୍ତିଯୁକ୍ତ ଓ ସତ ତାହା ଥରେ ପରଖି ନିଅନ୍ତୁ ।
