ନୂଆଦିଲ୍ଲୀ: ଭାରତୀୟ ଜାତୀୟ କଂଗ୍ରେସର କାର୍ଯ୍ୟକାରିଣୀ ବୈଠକ ଦଳୀୟ କାର୍ଯ୍ୟାଳୟରେ ଅନୁଷ୍ଠିତ ହେଉଛି । ଏଥିରେ ୟୁପିଏ ଅଧ୍ୟକ୍ଷା ସୋନିଆ ଗାନ୍ଧୀ, ରାହୁଲ ଗାନ୍ଧୀ, ରଣଦୀପ ସୁର୍ଜେୱାଲା, କେସି ଭେନୁଗୋପାଳ, ହରିଶ ରାୱତ, ମୀରା କୁମାର, ଅହମ୍ମଦ ପଟେଲ ଭଳି ପ୍ରମୁଖ କଂଗ୍ରେସ ନେତା ଯୋଗ ଦେଇଛନ୍ତି । ରାହୁଲ ଏବଂ ସୋନିଆ ନୂତନ ଅଧ୍ୟକ୍ଷ ନିଯୁକ୍ତି ପାଇଁ ହୋଇଥିବା ଆଲୋଚନାରେ ଭାଗ ନ ନେବା ପାଇଁ କହିବା ସହ ଅଧା ବୈଠକରୁ ଉଠି ଚାଲିଯାଇଛନ୍ତି ।
ଏହି ବୈଠକରେ ଜାତୀୟ କଂଗ୍ରେସର ସଭାପତି ନିଯୁକ୍ତି ତଥା ଜାମ୍ମୁକାଶ୍ମୀରରୁ 370 ଧାରା ଉଚ୍ଛେଦ ପ୍ରସଙ୍ଗ ଆଲୋଚନାର ବିଷୟ ହେବ ବୋଲି ଆଶା କରାଯାଉଛି । ପ୍ରଥମେ ସାମୂହିକ ବୈଠକ କରାଯିବ । ଉପସ୍ଥିତ ନେତାଙ୍କୁ ପାଞ୍ଚଟି ଗୋଷ୍ଠୀରେ ବିଭକ୍ତ କରାଯିବ । ପରେ ନବ ନିଯୁକ୍ତ ହୋଇଥିବା ସଭାପତିଙ୍କ ସହ ବିଭିନ୍ନ ରାଜ୍ୟର ନେତାଙ୍କ ସହ ଆଲୋଚନା କରାଯିବାର କାର୍ଯ୍ୟକ୍ରମ ରହିଛି ବୋଲି ସୂଚନା ମିଳିଛି।
