ଡେରାଡୁନ: ଉତ୍ତରାଖଣ୍ଡରେ ପ୍ରବଳମାତ୍ରାରେ ବାଦଲ ଫଟା ବର୍ଷା ଯୋଗୁଁ ସମସ୍ତ ନଦୀ-ନାଳରେ ପାଣି ଭର୍ତ୍ତି ହୋଇ ବନ୍ୟା ପରିସ୍ଥିତି ସୃଷ୍ଟି ହୋଇଛି । ସୋମବାର ଚମେଲୀ ଅଞ୍ଚଳର ବାଞ୍ଜବଗଡ ଗାଁରେ ଜଳ ସ୍ରୋତରେ ଏକ ପକ୍କା ଘର ଭାସିଯାଇଛି । ଯେଉଁଥିରେ ଜଣେ ମହିଳା ଓ ତାଙ୍କର 9 ବର୍ଷର ଝିଅ ଥିଲେ । ଏହାସହ କିଛି ଗାଈ, ଛେଳି ମଧ୍ୟ ଥିଲେ । ତେବେ ମହିଳାଙ୍କର ମୃତଦେହ ମିଳିଥିବାବେଳେ ଝିଅକୁ ଖୋଜିବା ପାଇଁ ଉଦ୍ଧାର କାର୍ଯ୍ୟ ଜାରି ରଖିଛି ପୋଲିସ ।
ଭିଡିଓ ସୌଜନ୍ୟ: ବ୍ୟୁରୋ ରିପୋର୍ଟ, ଇଟିଭି ଭାରତ
ସେହିଭଳି ଚୁଫଲଗାଡ ଓ ନନ୍ଦାକିନୀରେ ମଧ୍ୟ ସମାନ ପରିସ୍ଥିତି ସୃଷ୍ଟି ହୋଇଛି ବନ୍ୟା ଜଳରେ ଘାଟବଜାରରେ 3ଟି ଦୋକାନ ଭାସିଯାଇଛି । ଅନ୍ୟପଟେ ଘାଟ-ବାଞ୍ଜବଗଡ ମାଟରମାର୍ଗରେ ଗରଣୀ ଗାଁରେ ପାହାଡରେ ଭୂ-ସ୍ଖଳନ ଯୋଗୁଁ ଦୁଇଟି ଗାଡି ଓ ଗୋଟିଏ ଘର ମାଟିରେ ଦବି ଯାଇଛି । ଯେଉଁଥିରେ 6 ରୁ 7 ଜଣ ନିଖୋଜ ଥିବାର ଆଶଙ୍କା କରାଯାଉଛି ।
ଘଟଣାସ୍ଥଳରେ ଏସଡିଆରଏଫ ଟିମ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି ।
