ନୂଆଦିଲ୍ଲୀ: ଏଣିକି ଆପଣଙ୍କ ସୋସିଆଲ ମିଡିଆ ଆକାଉଣ୍ଟ ଦେବ ଲୋନ । ଏହି କଥାଟା ଶୁଣି ଆପଣଙ୍କୁ ଟିକେ ଆଶ୍ଚର୍ଯ୍ୟ ଲାଗୁଥିବ । କିନ୍ତୁ କଥାଟା ପୂରା ସତ । ସାଧାରଣତଃ ବ୍ୟାଙ୍କ ଆକାଉଣ୍ଟ, ବ୍ୟାଙ୍କ ଷ୍ଟେଟମେଣ୍ଟ, ଇନକମ ଟ୍ୟାକ୍ସ ଦେଖିକି ବ୍ୟକ୍ତିଗତ ଲୋନ ମିଳୁଥିବାବେଳେ କିନ୍ତୁ ପୁଣେର ଏକ ଘରୋଇ କମ୍ପାନୀ ସାଲାରି ଆକାଉଣ୍ଟ ଓ ସୋସିଆଲ ଆକାଉଣ୍ଟ ଦେଖିକି ଲୋନ ପ୍ରଦାନ କରୁଛି ।
କମ୍ପାନୀର ସିଇଓଙ୍କ କହିବା ଅନୁଯାୟୀ, ଆମେ ଲୋନ ଦେବା ପୂର୍ବରୁ ପାରମ୍ପରିକ କିଛି ତଥ୍ୟ ବିଶ୍ଲେଷଣ କରିବା ସହ ଲୋନ ପାଇଁ ଆବେଦନ କରିଥିବା ବ୍ୟକ୍ତିଙ୍କ ସୋସିଆଲ ମିଡିଆ ମଧ୍ୟ ଯାଞ୍ଚ କରୁ । ସୋସିଆଲ ମିଡିଆରେ ବ୍ୟକ୍ତିର ପର୍ସନାଲ, ପ୍ରଫେସନାଲ ଓ ଫାଇନାଲସିଆଲ ଡାଟା ସର୍ଚ୍ଚ କରିଥାଉ । ସେଥିରେ ବ୍ୟକ୍ତିର ଫ୍ରେଣ୍ଡ ଲିଷ୍ଟ, ଆକାଉଣ୍ଟ ଲଗିଟେଭିଟି, ଲାଇଫ ଷ୍ଟାଇଲ ଡିଟେଲ୍ସ ସାମିଲ ଥାଏ ।
ତେବେ କମ୍ପାନୀରୁ ଲୋନ ନେବାକୁ ଅନେକ ବ୍ୟକ୍ତି ଇଚ୍ଛା ପ୍ରକାଶ କରୁଥିବା କମ୍ପାନୀ ସିଇଓ କହିଛନ୍ତି ।
