ନୂଆଦିଲ୍ଲୀ: ରାଷ୍ଟ୍ରୀୟ ରାଜଧାନୀ ଦିଲ୍ଲୀରେ କ୍ରମାଗତ ଭାବେ କୋରୋନା ସଂକ୍ରମଣ ବୃଦ୍ଧି ପାଇବାରେ ଲାଗିଛି । ବର୍ତ୍ତମାନ ସ୍ବାସ୍ଥ୍ୟମନ୍ତ୍ରୀଙ୍କ କାର୍ଯ୍ୟାଳୟରେ ପହଞ୍ଚିଛି କୋରୋନା । ଦିଲ୍ଲୀ ସ୍ବାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜୈନଙ୍କ କାର୍ଯ୍ୟାଳୟରେ ଜଣେ କର୍ମଚାରୀଙ୍କ ନିକଟରେ କୋରୋନା ପଜିଟିଭ ଚିହ୍ନଟ ହୋଇଛି।
ସରକାରୀ ସୂତ୍ର ଅନୁଯାୟୀ, ଗତ କିଛି ଦିନ ହେବ ବ୍ୟକ୍ତି ଜଣକ ଅସୁସ୍ଥ ଥିବାବେଳେ ଅଫିସକୁ ଆସୁ ନଥିଲେ। ରବିବାର ତାଙ୍କର ରିପୋର୍ଟ ପଜିଟିଭ ଆସିଛି । ସେପଟେ, କର୍ମଚାରୀ ଜଣକ ସଂକ୍ରମିତ ଜଣାପଡିବା ପରେ ସମ୍ପୂର୍ଣ୍ଣ ଅଫିସକୁ ସାନିଟାଇଜ କରାଯାଇଛି ।
ଜାତୀୟ ରାଜଧାନୀରେ କରୋନା ଭାଇରସ ମାମଲା 14,053 କୁ ବୃଦ୍ଧି ପାଇଛି । ମୃତ୍ୟୁ ସଂଖ୍ୟା 276 ରେ ପହଞ୍ଚିଛି ବୋଲି ସୋମବାର ଦିଲ୍ଲୀ ସ୍ୱାସ୍ଥ୍ୟ ବିଭାଗ କହିଛି। ମୋଟ ମାମଲା ମଧ୍ୟରୁ 7,006 ସକ୍ରିୟ ଥିବା କୁହାଯାଇଛି।
