ନୋଏଡା: ଗ୍ରେଟେଡ ନୋଏଡା ପ୍ରଶାସନ ଟେକ୍ନୋଜୋନ-4 କୁ ସୋମବାର ସିଲ କରାଯାଇଛିି । ଏଠାରେ ଥିବା ଜଣେ ବାସିନ୍ଦାଙ୍କର କୋରୋନା ପଜିଟିଭ ରିପୋର୍ଟ ଆସିଛି । ଉପଜିଲ୍ଲାପାଳ ରାଜିବ ରାୟ ସୋମବାର ଦିଲ୍ଲୀର ଗ୍ରେଟେଡ ନୋଏଡାର ଏକ ସୋସାଇଟିକୁ ସିଲ କରିବା ପାଇଁ ଆଦେଶ ଦେଇଛନ୍ତି ।
ଏହି ଆଦେଶରେ କୁହାଯାଇଛି ଯେ ଚେରୀ କାଉଣ୍ଟିରେ ଜଣେ କୋରୋନା ଭାଇରସ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହି ସୂଚନା ମିଳିବା ମାତ୍ରେ ମହାମାରୀ କୋଭିଡ-19 ସଂକ୍ରମଣରୁ ବଞ୍ଚିବା ପାଇଁ ଏବଂ ଏହାକୁ ନିୟନ୍ତ୍ରଣ କରିବା ଉଦ୍ଦେଶ୍ୟରେ ସୋସାଇଟିକୁ ସିଲ କରାଯିବାର ନିଷ୍ପତ୍ତି ନିଆଯାଇଛି । ତେବେ ନିର୍ଦ୍ଧାରିତ ପ୍ରୋଟୋକଲ ଅନୁସାରେ ସୋମବାର ରାତିରୁ ମେ 3 ତାରିଖ ଯାଏଁ ଏହି ସ୍ଥାନ ସିଲ ରହିବ ।
ସେପଟେ ଗୌତମନଗରରେ କୋରୋନା ଦ୍ବାରା ସଂକ୍ରମିତ ବ୍ୟକ୍ତିଙ୍କୁ ମିଶାଇ ଏପ୍ରିଲ 19 ତାରିଖରେ ମୋଟ 97 ଆକ୍ରାନ୍ତଙ୍କ ସଂଖ୍ୟା ବଢିଛି । ଏପର୍ଯ୍ୟନ୍ତ 38 ବ୍ୟକ୍ତି ସୁସ୍ଥ ହୋଇ ଘରକୁ ଫେରିଥିବା ବେଳେ 59 ବ୍ୟକ୍ତି ଚିକିତ୍ସିତ ହେଉଛନ୍ତି ।
@IANS
