ଡେରାଡୁନ: ଦେଶର ଅବ୍ୟବସ୍ଥାକୁ ନେଇ କାଟଜୁଙ୍କ ବୟାନ । ଦେଶର ଅଭିବୃଦ୍ଧି ନିମନ୍ତେ ଏକ ନୂଆ ସମ୍ବିଧାନର ଆବଶ୍ୟକତା ରହିଛି । ଏଭଳି କହିଛନ୍ତି ସୁପ୍ରିମକୋର୍ଟର ପୂର୍ବ ନ୍ୟାୟଧୀଶ ମାର୍କେଣ୍ଡେୟ କାଟଜୁ । ସେ କହିଛନ୍ତି ଯେ, ଦେଶରେ ଆଧୁନିକ ସଂସ୍ଥାନ ଏବଂ ଆଧୁନିକ ସମାଜର ମଧ୍ୟ ଆବଶ୍ୟକତା ରହିଛି ।
ଏହାସହ ଦେଶର ଅନେକ ନେତାଙ୍କ ଅପରାଧିକ ସମ୍ପୃତ୍ତି ଥିବା ପରେ ବି ଏମାନଙ୍କୁ ପଦବୀ ଦେଇ ସଂସଦରେ ସାମିଲ କରାଯାଇଛି । ଏମାନେ ଦେଶକୁ ଆହୁରି ନିମ୍ନତରକୁ ନେଇ ଯାଉଛନ୍ତି ।
ସେ ଆହୁରି ମଧ୍ୟ କହିଛନ୍ତି, ଜାତି, ଧର୍ମ, ସଂପ୍ରଦାୟ ନାଁରେ ସମାଜକୁ ବାଣ୍ଟୁଥିବା ଲୋକଙ୍କୁ ଯେତେ ପର୍ଯ୍ୟନ୍ତ ଜନତା ଉଚିତ ଜବାବ ଦେଇନାହାଁନ୍ତି । ସେପର୍ଯ୍ୟନ୍ତ ସମାଜର ମଙ୍ଗଳ ହୋଇ ପାରିବ ନାହିଁ । ଏହାସହ ସେ ଆହୁରି ମଧ୍ୟ କହିଛନ୍ତି ଯେ, ଦେଶରେ ନେତାମାନେ ସମ୍ବିଧାନକୁ ଚିରହରଣ କରିଛନ୍ତି । ସେ ମୋଦି ସରକାରଙ୍କୁ ଟାର୍ଗେଟ କରି କହିଛନ୍ତି, ବିକାଶର କଥା କୁହାଯାଉଛି । ହେଲେ 45ବର୍ଷ ପରେ ମଧ୍ୟ ଦେଶରେ ବେରୋଜଗାରୀ ଏକ ଚରମସୀମାରେ ପହଞ୍ଚିଛି ।
