ନୂଆଦିଲ୍ଲୀ: କୋରୋନା କାଳରେ ରାଜସ୍ଥାନରେ ରାଜନୈତିକ ଡ୍ରାମା ଜାରି ରହିଛି । ଗେହଲଟ ବନାମ ପାଇଲଟ ଲଢେଇରେ ପ୍ରତିଦିନ ନୂଆ ନୂଆ ମୋଡ , ପୁରୁଣା ଷଡଯନ୍ତ୍ରର ପର୍ଦ୍ଦାଫାଶ ହେବାରେ ଲାଗୁଛି । ଏବେ ରାଜସ୍ଥାନ ରାଜନୀତିରେ ଉହାନ, ଭ୍ୟାକ୍ସିନ ଭଳି ଶବ୍ଦ ପ୍ରୟୋଗ କରି ବିଜେପିକୁ ଟାର୍ଗେଟ କରିଛନ୍ତି ପୂର୍ବତନ କେନ୍ଦ୍ର ମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା କପିଲ ଶିବଲ ।
କପିଲ ସିବଲ କହିଛନ୍ତି ଯେ ଦିଲ୍ଲୀରେ ଉହାନ ଭଳି ସୁବିଧା ମାଧ୍ୟମରେ ଦୁର୍ନୀତିର ଭାଇରସ ନିର୍ବାଚିତ ସରକାରଙ୍କୁ ଅସ୍ଥିର କରିବା ବ୍ୟାପୁଛି । ଏଥିପାଇଁ ଟିକା ଆବଶ୍ୟକ ।
ସେ ନିଜ ଟ୍ବିଟର ଆକାଉଣ୍ଟରେ ଟିକା ଆବଶ୍ୟକ ବୋଲି ଲେଖିଛନ୍ତି । ଦୁର୍ନୀତି ଭାଇରସର ଅର୍ଥ ହେଉଛି ଏକ ନିର୍ବାଚିତ ସରକାରକୁ ଅସ୍ଥିର କରିବା ପାଇଁ ଚେଷ୍ଟା କରିବା । ଏହା ଦିଲ୍ଲୀରେ 'ଉହାନ ପରି ସୁବିଧା' ଦେଇ ବ୍ୟାପିଥାଏ । ସମ୍ବିଧାନର 10ମ ଅନୁସୂଚୀରେ ସଂଶୋଧନ କରି ଏହି ଭୂତାଣୁ ବିରୋଧରେ ଆଣ୍ଟିବଡି ବିକଶିତ ହୋଇପାରିବ ।
କପିଲ ସିବଲ ଆହୁରି ଲେଖିଛନ୍ତି ଯେ, ଏହିପରି ଲୋକଙ୍କୁ ଆସନ୍ତା ପାଞ୍ଚ ବର୍ଷ ପାଇଁ କୌଣସି ପ୍ରକାରର ସାର୍ବଜନୀନ କାର୍ଯ୍ୟାଳୟରେ ପ୍ରବେଶ କରାଇଦେବା ଅନୁଚିତ । ଏହାବ୍ୟତିରେକ ଆଗାମୀ ନିର୍ବାଚନ ଲଢିବା ଉପରେ ରୋକ ଲଗାଇଦିଆଯିବ ଉଚିତ ।
