ଲକ୍ଷ୍ନୌ: କୋରୋନା ମୁକାବିଲା ପାଇଁ ସାରା ଦେଶ ହୋଇଛି ଲକ ଡାଉନ । ରାସ୍ତାରେ ପୋଲିସ ବ୍ୟାରିକେଡ କରି ଅହରହ କରୁଛି ଚେକିଂ । ଧର୍ମର ରାଜଧାନୀ ବୋଲାଉଥିବା ବାରାଣାସୀର ରାସ୍ତା ଘାଟ ଏବେ ଖାଁ ଖାଁ ।
ସରକାରୀ ଘୋଷଣାକୁ ପାଳନ କରୁଛନ୍ତି ବାରଣାସୀବାସୀ । ମାର୍ଚ୍ଚ 23 ତାରିଖରୁ ଏଠାରେ ଧାରା 144 ମଧ୍ୟ ଲାଗୁ ହୋଇଛି । ଗୋଟିଏ ସ୍ଥାନରେ 5 ଜଣରୁ ଅଧିକ ଏକାଠି ନହେବାକୁ ଦିଆଯାଇଛି ନିର୍ଦ୍ଦେଶ । ରାସ୍ତାରେ, ମୋଟର ସାଇକେଲ, କାର ଏବଂ ସାଇକେଲ ଚଳାଚଳ ଉପରେ ଲଗାଯାଇଛି ରୋକ । ଜିଲ୍ଲାପାଳ ଏନେଇ ସବୁ ଲୋକଙ୍କୁ ଜାରି ହୋଇଥିବା ନିୟମର ପାଳନ ପାଇଁ ନିର୍ଦ୍ଦେଶ ଦେଇଛନ୍ତି ।
ଏହାସହ ବାରାଣାସୀ ସୀମାରେ ଲଗାଯାଇଛି କଟକଣା । ଆସନ୍ତାକାଲି ପର୍ଯ୍ୟନ୍ତ କାଶୀ ବିଶ୍ବନାଥ ମନ୍ଦିର ମଧ୍ୟ ବନ୍ଦ ରହିଛି । କେବଳ ଜରୁରୀ ଥିବା ଦୋକାନ ଖୋଲା ରହିଛି । ଏହାଛଡା ବିନା କାରଣରେ କେହି ରାସ୍ତାରେ ବୁଲି ପାରିବେ ନାହିଁ ବୋଲି କଟକଣା ହୋଇଛି । ବର୍ତ୍ତମାନ ଉତ୍ତରପ୍ରଦେଶରେ 27 ଜଣ କୋରୋନା ପଜିଟିଭ ରହିଛନ୍ତି ।
@ANI
