ନୂଆଦିଲ୍ଲୀ: କୋରୋନା ଭାଇରସ ପାଇଁ ବର୍ତ୍ତମାନ ସାରା ଦେଶରେ ଲକଡାଉନ ଜାରି ହୋଇଛି । ଏହି 21 ଦିନର ଲକଡାଉନ ପାଇଁ କୌଣସି ବ୍ୟକ୍ତିଙ୍କୁ ଘରୁ ନବାହାରିବାକୁ ନିର୍ଦ୍ଦେଶ ଜାରି ହୋଇଛି । ଜନତାଙ୍କ ସମସ୍ୟାକୁ ଦେଖି ନିକଟରେ ବିଜେପିରେ ସାମିଲ ହୋଇଥିବା ଜ୍ୟୋତିରାଦିତ୍ବ ସିନ୍ଧିଆ ଏକ ଭିଡିଓ ଜାରି କରି ସନ୍ଦେସ ଦେଇଛନ୍ତି । ସିନ୍ଧିଆ କହିଛନ୍ତି ଲୋକଙ୍କ ସମସ୍ୟାକୁ ନେଇ ସେ ଅବଗତ ଅଛନ୍ତି । ସାମାଜିକ ଦୂରତା ଯୋଗୁଁ ସେ ବାହାରକୁ ଆସିପାରୁନାହାଁନ୍ତି ସମସ୍ତେ ଫୋନ ମାଧ୍ଯମରେ ଯୋଗାଯୋଗ କରିବାକୁ ନିବେଦନ କରିଛନ୍ତି ।
ସିନ୍ଧିଆ ନିଜ ଟ୍ବିଟର ହ୍ୟାଣ୍ଡେଲରେ ଏକ ଭିଡିଓ ଜାରି କରି ନିଜ ସମର୍ଥକ ଓ କାର୍ଯ୍ୟକର୍ତ୍ତାଙ୍କ ଉଦ୍ଦେଶ୍ୟରେ କହିଛନ୍ତି ବର୍ତ୍ତମାନର ସ୍ଥିତିକୁ ନେଇ ସେ ଅବଗତ ଅଛନ୍ତି । କିନ୍ତୁ କୋରୋନାର ମୁକାବିଲା ବିଶେଷଜ୍ଞଙ୍କ ପରାମର୍ଶ ଓ ପ୍ରଧାନମନ୍ତ୍ରୀଙ୍କ ଲକଡାଉନ ପାଳନ ପାଇଁ ଲୋକଙ୍କ ପାଖକୁ ଆସିପାରୁନାହିଁ । ହେଲେ ସେ ସଦା ସର୍ବଦା ଲୋକଙ୍କ ପାଇଁ ଉପଲବ୍ଧ ଅଛନ୍ତି । ଯଦି କାହାକୁ କିଛି ଅସୁବିଧା ହେଉଛି ଆମର କାର୍ଯ୍ୟକାର୍ତ୍ତା ଓ ମୁଁ ନିଜେ ପ୍ରସ୍ତୁତ ଅଛି । ଫୋନ ମାଧ୍ୟମରେ ଯୋଗାଯୋଗ କରନ୍ତୁ ବୋଲି ସିନ୍ଧିଆ କହିଛନ୍ତି ।
ସେ ଆହୁରି କହିଛନ୍ତି ବର୍ତ୍ତମାନର ସ୍ଥିତି ଯାହା ଏବେ ଘରେ ରହିବା ସୁରକ୍ଷିତ ରହିବା ଜରୁରୀ ହୋଇପଡିଛି । କୌଣସି ସହଯୋଗ ପରାମର୍ଶ ପାଇଁ ସେ ସବୁବେଳେ ଫୋନରେ ଉପଲବ୍ଧ ଅଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
