ଚେନ୍ନାଇ: କୋଭିଡ୍ 19 ରେ ଆଖି ବୁଜିଲେ ତାମିଲନାଡୁର 71 ବର୍ଷୀୟ ବୃଦ୍ଧ। ଶନିବାର ରାତିରେ ବୃଦ୍ଧଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ତେବେ ଚେନ୍ନାଇର ଷ୍ଟେନଲି ଡାକ୍ତରଖାନାରେ ତାଙ୍କର ମୃତ୍ୟୁ ହୋଇଥିବା ବେଳେ ଏହାକୁ ମିଶାଇ ତାମିଲନାଡୁରେ କୋରୋନା ମୃତ୍ୟୁ ସଂଖ୍ୟା 4 କୁ ବୃଦ୍ଧି ପାଇଛି।
ସୂଚନା ଅନୁସାରେ, ବୃଦ୍ଧଙ୍କ ଶରୀରକୁ ତାଙ୍କ ପରିବାର ଲୋକଙ୍କ ସହଯୋଗରେ ରାମନାଥପୁରମ ନିଆଯାଇଥିବା ବେଳେ ସେଠାରେ ତାଙ୍କୁ ସମାଧି ଦିଆଯାଇଛି। ତେବେ ଯେଉଁ ମାନେ ବୃଦ୍ଧ ମୃତଦେହ ସହ ଯାତ୍ରା କରିଥିଲେ ଓ ଶେଷ ରୀତିନୀତିରେ ସାମିଲ ହୋଇଥିଲେ ସେମାନଙ୍କ ପରିଚୟ ଓ ତାଙ୍କ ଉପରେ ନଜର ରଖିବାକୁ ଜିଲ୍ଲାର ଜନସ୍ବାସ୍ଥ୍ୟ ଅଧିକାରୀ କହିଛନ୍ତି।
ମୃତ ବ୍ୟକ୍ତି ଜଣକ ମାର୍ଟ୍ଟ 16 ରୁ ଦୁବାଇରୁ ଫେରିଥିବା ବେଳେ ଶୁକ୍ରବାର ଶ୍ବାସଯନ୍ତ୍ରଣା ପାଇଁ ମେଡିକାଲରେ ଭର୍ତ୍ତି ହୋଇଥିଲେ। ତେବେ ଚିକିତ୍ସାର 2 ଘଣ୍ଟା ମଧ୍ୟରେ ତାଙ୍କର ମୃତ୍ୟୁ ହୋଇଥିଲା। ବ୍ୟକ୍ତିଙ୍କ ସ୍ବାବ ସାମ୍ପଲ ପରୀକ୍ଷା ପାଇଁ ପଠାଯାଇଛି ରିପୋର୍ଟ ଆସିଲା ପରେ ଘଟଣା ବିଷୟରେ ସ୍ପଷ୍ଟ ସୂଚନା ମିଳିବ।
