ନୂଆଦିଲ୍ଲୀ: ବେଡ୍ ଅଭାବରୁ ଦିଲ୍ଲୀରେ କୋରୋନା ମୃତ୍ୟୁ ସଂଖ୍ୟା ବଢିଥିବା ସ୍ବିକାର କଲେ କେଜ୍ରିୱାଲ । ମୁଖ୍ୟମନ୍ତ୍ରୀ ସ୍ବୀକାର କରିଛନ୍ତି ଯେ ଜୁନ୍ ପ୍ରଥମ ସପ୍ତାହରେ କୋରୋନା ରୋଗୀଙ୍କ ପାଇଁ ମେଡିକାଲରେ ବେଡ୍ ଅଭାବରୁ ଦିଲ୍ଲୀରେ ମୃତ୍ୟୁ ସଂଖ୍ୟା ବୃଦ୍ଧି ପାଇଥିଲା । କିନ୍ତୁ ସେ ଏହା ମଧ୍ଯ କହିଛନ୍ତି ଯେ, ବର୍ତ୍ତମାନ ଏଭଳି ସ୍ଥିତି ନାହିଁ ।
ସେ କହିଛନ୍ତି, ଦିଲ୍ଲୀ ସରକାର କୋରୋନା ରୋଗୀଙ୍କ ପାଇଁ ବେଡ୍ ଏବଂ ଟେଷ୍ଟିଙ୍ଗ୍ ବଢାଇବା ସହ ଘରେ ଆଇସୋଲେସନରେ ରହୁଥିବା ରୋଗୀଙ୍କ ପାଇଁ ଅକ୍ସିମିଟର ଏବଂ ଅକ୍ସିଜେନ କନ୍ସଟ୍ରେସନ ଯୋଗାଇ ଦେଇଛନ୍ତି । ଏଥିସହ ପ୍ଲାଜମା ଥେରାପି ଉପଲବ୍ଧ କରାଇ, ସର୍ଭେ ଏବଂ ଯାଞ୍ଚ କରି କୋରୋନା ମହାମାରୀ ସହ ଅନୁସନ୍ଧାନ ଯୋଗାଇ ଦିଆଯିବ। ଏହି ବିଶ୍ୱ ମହାମାରୀ ସହ ଲଢେଇ କରୁଛନ୍ତି ।
ଏଥିସହ ସେ କହିଛନ୍ତି, ଦିଲ୍ଲୀରେ ଲକଡାଉନ ହଟିବା ପରଠାରୁ ଆଶା ଠାରୁ ଅଧିକ ଆକ୍ରାନ୍ତ ମାମଲା ବଢିଛି । ପ୍ରଥମ ଦିନରେ ମୃତ୍ୟୁସଂଖ୍ୟା ବୃଦ୍ଧି ପାଇଛି । କୋରୋନା ମୁକାବିଲା ପାଇଁ ତାଙ୍କ ସରକାର ନେଇଥିବା ପଦକ୍ଷେପକୁ ଗଣନା କରି ମୁଖ୍ୟମନ୍ତ୍ରୀ କହିଛନ୍ତି, କୋରୋନା ମହାମାରୀ ବିରୋଧରେ ଦିଲ୍ଲୀ ଏକ କଷ୍ଟସାଧ୍ୟ ଯୁଦ୍ଧ ଲଢୁଛି । ଏଥିରେ ଦିଲ୍ଲୀ ବିଜୟୀ ହେବ କିନ୍ତୁ ଏଥିପାଇଁ ସମୟ ଲାଗିବ ।
ତେବେ ନିକଟରେ ଦିଲ୍ଲୀ କୋରୋନା ସ୍ଥିତିକୁ ନେଇ କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହା ଏକ ସର୍ବଦଳୀୟ ବୈଠକ କରିଥିଲେ । ଯେଉଁଥିରେ ଦିଲ୍ଲୀ କୋରୋନା ସ୍ଥିତି ନିୟନ୍ତ୍ରଣ ନେଇ ବହୁ ଗୁରୁତ୍ବପୂର୍ଣ୍ଣ ପଦକ୍ଷେପ ଗ୍ରହଣ କରାଯାଇଥିଲା । ଏହି କ୍ରମରେ ଦିଲ୍ଲୀରେ ପ୍ରତ୍ୟେକ ଦିନ 18 ହଜାରରୁ ଉର୍ଦ୍ଧ୍ବ କୋରୋନା ପରୀକ୍ଷା କରାଯାଉଥିବା ବେଳେ ଗତ ଶନିବାର ଦିଲ୍ଲୀରେ ସୋରଲୋଜିକାଲ ସର୍ଭେ ଆରମ୍ଭ ହୋଇଛି ।
କେନ୍ଦ୍ର ସ୍ବାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ ରିପୋର୍ଟ ଅନୁଯାୟୀ, ବର୍ତ୍ତମାନ ଦିଲ୍ଲୀରେ କୋରୋନା ଆକ୍ରାନ୍ତଙ୍କ ସଂଖ୍ୟା ପାଇ 77 ହଜାର 240ରେ ପହଞ୍ଚିଛି । ଏଥିସହ 2492 ଆକ୍ରାନ୍ତଙ୍କର କୋରୋନାରେ ମୃତ୍ୟୁ ଘଟିଛି ।
