ନୂଆଦିଲ୍ଲୀ: ସମଗ୍ର ଦେଶରେ କୋରୋନାର ବିକଳ ସ୍ଥିତି । ଭୟଙ୍କର ଭାବେ ବୃଦ୍ଧି ପାଉଛି ସଂକ୍ରମଣ । ଆସାମରେ ମଧ୍ୟ ଆକ୍ରାନ୍ତଙ୍କ ବଢିବାରେ ଲାଗିଛି । ଆଶ୍ଚର୍ଯ୍ୟର କଥା ରାଜ୍ୟରେ 481 ଜଣ କଏଦୀ ସଂକ୍ରମିତ ହୋଇଛନ୍ତି। କାରଗାରକୁ କୋରୋନା ପ୍ରବେଶ ପରେ ରାଜ୍ୟ ସମସ୍ତ ଜେଲଗୁଡିକୁ କୋଭିଡ କେୟାରରେ ପରିଣତ କରିବାକୁ ନିଷ୍ପତ୍ତି ନେଇଛନ୍ତି ରାଜ୍ୟ ସରକାର ।
ଆସାମରେ ତୀବ୍ର ଗତିରେ କୋରୋନା ସଂକ୍ରମିତ ମାମଲାରେ ବଢିବାରେ ଲାଗିଛି । ରାଜ୍ୟର ପ୍ରତ୍ୟେକ ଜେଲକୁ କୋଭିଡ-କେୟାର ସେଣ୍ଟରରେ ପରିଣତ କରାଯିବ । ଏହା ପୂର୍ବରୁ ଗୌହାଟୀ ସେଣ୍ଟ୍ରାଲ ଜେଲକୁ କୋଭିଡ-କେୟାର ସେଣ୍ଟର କରାଯାଇଛି । ରାଜ୍ୟରେ କଏଦୀ ସଂକ୍ରମଣ ଚିହ୍ନଟ ହେବା ପରେ ରାଜ୍ୟ ସରକାର ଏପରି ନିଷ୍ପତ୍ତି ନେଇଛନ୍ତି ।
ସୂଚନା ଅନୁଯାୟୀ, ଗୌହାଟୀ ସେଣ୍ଟ୍ରାଲ ଜେଲରେ ଶରଜୀଲ ଇମାମ ଏବଂ ଆସାମର କୃଷକ ନେତା ଅଖିଲ ଗୋଗୋଇଙ୍କ ସମେତ 435 ଜଣ କଏଦୀଙ୍କୁ କୋରୋନା ପଜିଟିଭ ବୋଲି ଜଣାପଡିଛି। ସେଣ୍ଟ୍ରାଲ ଜେଲରେ 1069 କଏଦୀଙ୍କ ମଧ୍ୟରୁ 435 ସଂକ୍ରମିତ ହୋଇଛନ୍ତି ।
