ନୂଆଦିଲ୍ଲୀ: ଦେଶର ପୂର୍ବ-ଉତ୍ତର ରାଜ୍ୟରେ ନାହିଁ କୋରୋନା । ସ୍ପଷ୍ଟ କଲେ କେନ୍ଦ୍ରମନ୍ତ୍ରୀ ଜିତେନ୍ଦ୍ର ସିଂହ । ଜିତେନ୍ଦ୍ର ସିଂହ ସୋମବାର କହିଛନ୍ତି, ପୂର୍ବତ୍ତୋରର 8ଟି ରାଜ୍ୟ ମଧ୍ୟରୁ 5ଟି ରାଜ୍ୟ କୋରୋନା ମୁକ୍ତ । ସିକିମ, ନାଗାଲାଣ୍ଡ, ଅରୁଣାଚଳପ୍ରଦେଶ, ମଣିପୁର ଏବଂ ତ୍ରିପୁରା ସମ୍ପୂର୍ଣ୍ଣ ଭାବେ କୋରୋନା ମୁକ୍ତ ରାଜ୍ୟ । ସେହିପରି ଆସାମରେ 8, ମେଘାଳୟରେ 11 ଏବଂ ମିଜୋରାମରେ ଗୋଟିଏ କୋରୋନା ମାମଲା ଆସିଛି ।
ସିଂହ ପୂର୍ବତ୍ତୋର ପରିଷଦ, ଶିଲଙ୍ଗର ବପିଷ୍ଠ ଅଧିକାରୀଙ୍କ ସହ ବିଭିନ୍ନ ସରକାରୀ ଅଧିକାରୀ ଏବଂ ସାର୍ବଜନୀନ ଉପକ୍ରମର ପ୍ରତିନିଧିଙ୍କ ସହ ଭିଡିଓ କନଫରେନ୍ସିଂ ଜରିଆରେ ଏକ ବୈଠକ କରିଥିଲେ । ଏହି ବୈଠକରେ ଏହା ଆଲୋଚନା ହୋଇଛି ।
ଉତ୍ତରାଞ୍ଚଳର ରାଜ୍ୟ ସରକାର, ମୁଖ୍ୟମନ୍ତ୍ରୀ ଏବଂ ରାଜ୍ୟ ମନ୍ତ୍ରାଳୟ ଅଧିକାରୀଙ୍କୁ ଏଦିଗରେ ଭଲ କାମ କରିବା ପାଇଁ ଧନ୍ୟବାଦ ଦିଆଯାଉଛି । ତେବେ ଏହି ବୈଠକରେ ଜିତେନ୍ଦ୍ର ସିଂହ ଉକ୍ତ 8ଟି ରାଜ୍ୟରେ ସ୍ବାସ୍ଥ୍ୟ ପରିଯୋଜନା ସମ୍ବନ୍ଧିତ ଉନ୍ନତ ଧରଣର କାର୍ଯ୍ୟ କରାଯିବ ବୋଲି ପ୍ରସ୍ତାବ ଦେଇଛନ୍ତି ।
