ଥିରୁଅନନ୍ତପୁରମ୍: ଆପଣମାନେ ପୋଲିସମାନଙ୍କୁ ଚୋର ଧରିବା ସହ ଲୋକମାନଙ୍କୁ ସୁରକ୍ଷା ଦେବାର ଦେଖିଥିବେ । କେବେ ପୋଲିସମାନଙ୍କୁ ଚାଷ କରିବା ଦେଖିଛନ୍ତି କି ? ଯଦି ନାଁ ତେବେ ଆମେ ଏମିତି କିଛି ପୋଲିସଙ୍କ ସମ୍ପର୍କରେ ଜଣାଇବୁ ଯେଉଁମାନେ ସେମାନଙ୍କ ଡ୍ୟୁଟିରୁ ଅବସର ସମୟରେ ଚାଷ କରି ଅନ୍ୟ ମାନଙ୍କ ପାଇଁ ଉଦାହରଣ ପାଲଟିଛନ୍ତି । ତେବେ ଆମେ କହୁଛୁ କେରଳର ପୋଥାନୀକୋଡୁ ପୋଲିସମାନଙ୍କ ସମ୍ପର୍କରେ । ଯେଉଁମାନେ ସେମାନଙ୍କ ଅବସର ସମୟରେ ପୋଲିସ ଷ୍ଟେସନ ନିକଟରେ ବିଭିନ୍ନ ପନିପରିବା ଚାଷ କରିଛନ୍ତି ।
ଭିଡିଓ ସୌଜନ୍ୟ:ଇଟିଭି ଭାରତ
ତେବେ ବିନ୍ସ, କଲରା, ଟମାଟର,ଲେମ୍ବୁ, ମାଟିଆଳୁ ଏବଂ ଭେଣ୍ଡି ଭଳି ବିଭିନ୍ନ ପନିପରିବା ଚାଷ କରିଛନ୍ତି ପୋଥାନୀକୋଡୁ ପୋଲିସ । ଏଠାରେ ସବୁଠାରୁ ଚମତ୍କାର କଥା ହେଉଛି ଏହି ପୋଲିସମାନେ ପରିବା ଚାଷ କରିବା ସହ ନିଜେ ଯାଇ ଚାଷ ଜମିରୁ ପରିବା ତୋଳି ଉକ୍ତ ପରିବାକୁ ଲୋକମାନଙ୍କୁ ମାଗଣାରେ ଦାନ କରିଥାନ୍ତି । ତେବେ ପୋଲିସ ମାନଙ୍କର ଏପରି କାର୍ଯ୍ୟ ଅନ୍ୟମାନଙ୍କ ପାଇଁ ଏକ ଉଦାହରଣ ସ୍ବରୁପ ।
