ତିରୁଅନନ୍ତପୁରମ: ଲୋକସଭା ନିର୍ବାଚନରେ ଶୋଚନୀୟ ପରାଜୟ ପରେ ଦକ୍ଷିଣ ଭାରତର ନିଜ ସଂସଦୀୟ କ୍ଷେତ୍ରରେ ପହଞ୍ଚିଛନ୍ତି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ । ସେ ଶୁକ୍ରବାରରୁ 3 ଦିନିଆ ୱାୟନାଡ ଗସ୍ତରେ ଅଛନ୍ତି । ତେବେ ଶନିବାର ସକାଳୁ ୱାୟନାଡର କଲେକ୍ଟ୍ରେଟସ୍ଥିତ ସାଂସଦ ସୁବିଧା କେନ୍ଦ୍ରରେ ପହଞ୍ଚିଛନ୍ତି ରାହୁଲ । ସେଠାରେ ସେ ପ୍ରତିନିଧି ମଣ୍ଡଳୀଙ୍କ ସହ ବୈଠକ କରିଛନ୍ତି ।
ଏହା ପରେ ସେ କଂଗ୍ରେସ ନେତାଙ୍କ ସହ ୱାୟନାଡର କଲପେଟ୍ଟାରେ ରୋଡ ସୋ ମଧ୍ୟ କରିଛନ୍ତି । ତେବେ ଏହି ସମୟରେ ରାହୁଲଙ୍କ ପାଇଁ ଲୋକଙ୍କ ଅପାର ସମର୍ଥନ ଦେଖିବାକୁ ମିଳିଥିଲା । ଏହା ପୂର୍ବରୁ ରାହୁଲ ଶୁକ୍ରବାର ମଲ୍ଲାପୁରରେ ରୋଡ ଶୋ' କରିଥିଲେ । ଏଥିସହ ତାଙ୍କୁ ଜିତାଇଥିବାରୁ ମତଦାତାଙ୍କୁ ଧନ୍ୟବାଦ ଜଣାଇଥିଲେ ।
ସୂଚନା ଯୋଗ୍ୟ ଯେ, ରାହୁଲ ୱାୟନାଡରେ 4 ଲକ୍ଷରୁ ଅଧିକ ଭୋଟରେ ବିଜୟ ହାସଲ କରିଥିଲେ । ଲୋକସଭା ନିର୍ବାଚନ ଜିତିବା ପରେ ଏହା ରାହୁଲଙ୍କ ପ୍ରଥମ ଓ୍ବାୟନାଡ ଗସ୍ତ ।
