ହାଇଦ୍ରାବାଦ: ଫ୍ୟାନ୍ସଙ୍କ ଅପେକ୍ଷାର ହେଲା ଅନ୍ତ । ଅଲ୍ଲୁ ଅର୍ଜୁନ ଓ ରଶ୍ମିକା ମନ୍ଦାନା ଷ୍ଟାରର ଫିଲ୍ମ 'ପୁଷ୍ପା 2'ର ଟ୍ରେଲରକୁ ଫ୍ୟାନ୍ସ ଉତ୍ସାହର ସହ ଅପେକ୍ଷା କରିଥିବା ବେଳେ ବର୍ତ୍ତମାନ ରିଲିଜ ହୋଇଛି ଟ୍ରେଲର । ଫିଲ୍ମର ଟ୍ରେଲର ପାଟଣାର ଗାନ୍ଧୀ ମଇଦାନରେ ଲଞ୍ଚ କରାଯାଇଥିବା ବେଳେ ଏହି ସମୟରେ ହଜାର ହଜାର ଲୋକଙ୍କ ଭିଡ଼ ଜମିଥିଲା । ଟ୍ରେଲର ରିଲିଜ କାର୍ଯ୍ୟକ୍ରମରେ ଅଲ୍ଲୁ ଅର୍ଜୁନ, ରଶ୍ମିକା ମନ୍ଦନା ଏବଂ ଶ୍ରୀଲୀଲା ଯୋଗ ଦେଇଛନ୍ତି । ଟ୍ରେଲର ସୋସିଆଲ ମିଡିଆରେ ଖୁବ ଭାଇରାଲ ହୋଇଛି । ଫିଲ୍ମର ଝଲକ ଦେଖି ସମସ୍ତେ ଫିଦା ହୋଇଥିବା ବେଳେ ଫିଲ୍ମ ଦେଖିବାକୁ ଲୋକଙ୍କୁ ଉତ୍ସାହ ଦ୍ୱିଗୁଣିତ ବଢିଯାଇଛି ।
'ପୁଷ୍ପା 2'ର ଟ୍ରେଲର
2.48 ସେକେଣ୍ଡର 'ପୁଷ୍ପା 2'ର ଟ୍ରେଲର ଆରମ୍ଭରେ ଅଲ୍ଲୁ ଅର୍ଜୁନ ତାଙ୍କ ପୁରୁଣା ଅନ୍ଦାଜରେ ନଜର ଆସିଛନ୍ତି । କିନ୍ତୁ ଏହି ଚଳଚ୍ଚିତ୍ରର ସ୍ୱାଦ ଏବଂ ଆକ୍ସନ୍ ସ୍ତର ନିଶ୍ଚିତ ଭାବରେ ପ୍ରଥମ ଭାଗ ଠାରୁ ଦମଦାର ରହିଛି । ଟ୍ରେଲରରେ କିଛି ଦମଦାର ସଂଳାପ ମଧ୍ୟ ଅଛି, ଯେପରିକି ‘ପୁଷ୍ପା, ଧାଇ ଅକ୍ଷର୍, ନା ଛୋଟ, କିନ୍ତୁ ଧ୍ୱନି ବହୁତ ବଡ।’ ଦମଦାର ସଂଳାପ ବ୍ୟତୀତ ଟ୍ରେଲରରେ ଜବରଦସ୍ତ ଆକ୍ସନ ସିନ୍ ରହିଛି । ଏହା ବ୍ୟତୀତ ପୁଷ୍ପା ତାଙ୍କ ପତ୍ନୀ ଶ୍ରୀବଲ୍ଲି ଅର୍ଥାତ୍ ରଶ୍ମିକା ମନ୍ଦନାଙ୍କ ସହ ରୋମାନ୍ସ କରୁଥିବା ମଧ୍ୟ ନଜର ଆସିଛନ୍ତି । ଟ୍ରେଲରରେ ଫାହାଦ୍ ଫାସିଲଙ୍କ ଏଣ୍ଟ୍ରି ମଧ୍ୟ ବହୁତ ଶକ୍ତିଶାଳୀ ଦେଖାଯାଉଛି । ଟ୍ରେଲରକୁ ଲୋକେ ଖୁବ ପସନ୍ଦ କରିଥିବା ବେଳେ ଫିଲ୍ମ ରିଲିଜକୁ ଉତ୍ସାହର ସହ ଅପେକ୍ଷା କରିଛନ୍ତି ।
#WATCH | Patna, Bihar: Massive crowds seen at Gandhi Maidan for the trailer launch event of the film Pushpa 2. pic.twitter.com/lAVSB4G1T3
— ANI (@ANI) November 17, 2024
ଆଇଟମ୍ ଡ୍ୟାନ୍ସରେ ଶ୍ରୀଲିଲା ଆସିବେ ନଜର
'ପୁଷ୍ପା: ଦ ରାଇଜ୍'ରେ ନିଜର ଦମଦାର ଡ୍ୟାନ୍ସ ସହ ସାମନ୍ଥା କୋଟି କୋଟି ଲୋକଙ୍କ ହୃଦୟ ଜିତିଥିଲେ, ବର୍ତ୍ତମାନ ଶ୍ରୀଲିଲା ସାମନ୍ଥାଙ୍କ ପରିବର୍ତ୍ତେ 'ପୁଷ୍ପା ୨'ରେ ନଜର ଆସିବାକୁ ଯାଉଛନ୍ତି । ନିକଟରେ ନିର୍ମାତା ତାଙ୍କ ଅଫିସିଆଲ ଏଣ୍ଟ୍ରି ନେଇ ଘୋଷଣା କରିଥିବା ବେଳେ ଗୀତର ଟାଇଟଲ୍ ମଧ୍ୟ ପ୍ରକାଶ କରିଥିଲେ । 'ପୁଷ୍ପା: ଦ ରୁଲ'ରେ 'କିସିକ' ଗୀତ ସହ ଡ୍ୟାନ୍ସ କୁଇନ ଶ୍ରୀଲିଲାଙ୍କ ଜଲୱା ଦେଖିବାକୁ ମିଳିବ । ଏହି ଗୀତଟି ଉତ୍କୃଷ୍ଟ ହେବ ଯେଉଁଥିରେ ଡ୍ୟାନ୍ସ ଏବଂ ସଙ୍ଗୀତର ଏକ ବଡ଼ ମିଶ୍ରଣ ହେବ ବୋଲି କୁହାଯାଉଛି ।
ଏହା ମଧ୍ୟ ପଢନ୍ତୁ: 'ପୁଷ୍ପା 2'ରେ ଶ୍ରୀଲିଲାଙ୍କ ଏଣ୍ଟ୍ରି; ପୋଷ୍ଟର ଆଉଟ୍, ଅଲ୍ଲୁ ଅର୍ଜୁନଙ୍କ ସହ ଲଗାଇବେ ଡ୍ୟାନ୍ସ ତଡକା
ଏହି ଦିନ ପରଦାକୁ ଆସିବ 'ପୁଷ୍ପା 2'
ସୁକୁମାରନଙ୍କ ନିର୍ଦ୍ଦେଶିତ ଚଳଚ୍ଚିତ୍ର 'ପୁଷ୍ପା ୨' 'ପୁଷ୍ପା: ଦ ରାଇଜ'ର ସିକ୍ବେଲ ଅଟେ । ଯାହା 2021 ଡିସେମ୍ବରରେ ମୁକ୍ତିଲାଭ କରିବା ପରେ ବକ୍ସ ଅଫିସ୍ରେ ଧମାକା କରିଥିଲା । ଏହି ଚଳଚ୍ଚିତ୍ର ବେଶ ଲୋକପ୍ରିୟତା ହାସଲ କରିବା ସହ ବ୍ଲକବ୍ଲଷ୍ଟର ହୋଇଥିଲା । ତେବେ ପ୍ରଥମ ଭାଗ ପରି 2ୟ ଭାଗରେ ଅଲ୍ଲୁ ଅର୍ଜୁନ, ରଶ୍ମିକା ମନ୍ଦାନା, ଫାହାଦ୍ ଫାସିଲ, ସୁନୀଲ, ଅଜୟ, ରାଓ ରମେଶ, ଅନାସୁୟା ଏବଂ ଅନ୍ୟ କଳାକାର ନଜର ଆସିବେ । ତେବେ 'ପୁଷ୍ପା ୨' ମଧ୍ୟ ପ୍ରଥମ ଭାଗ ପରି ବକ୍ସ ଅଫିସରେ ନୂଆ ରେକର୍ଡ କରିବ ବୋଲି ଆଶା କରାଯାଉଛି । ଡିସେମ୍ବର 5, 2024 ରେ 'ପୁଷ୍ପା 2' ସାରା ବିଶ୍ୱରେ ଏକ ବଡ଼ ମୁକ୍ତିଲାଭ କରିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
