ନୂଆଦିଲ୍ଲୀ: ହରିୟାଣା ନିର୍ବାଚନ ପ୍ରଚାରରେ ବ୍ୟସ୍ତ ରାହୁଲ ଗାନ୍ଧୀ । ସେ ଲଗାତାର ପ୍ରଚାର କରୁଛନ୍ତି । ହରିୟାଣାର ମହେନ୍ଦ୍ରଗଡରେ ନିର୍ବାଚନୀ ପ୍ରଚାର ସାରିବା ପରେ ଦିଲ୍ଲୀ ପ୍ରତ୍ୟାବର୍ତ୍ତନ କରିବା ସମୟରେ ଖରାପ ପାଗ କାରଣରୁ ରାହୁଲଙ୍କ ହେଲିକପ୍ଟରକୁ ଜରୁରୀକାଳୀନ ଅବତରଣ କରିବାକୁ ପଡିଥିଲା ।
ଭିଡିଓ ସୌଜନ୍ୟ: ସୋସିଆଲ ମିଡିଆ@MahilaCongress
ଖରାପ ପାଗ କାରଣରୁ ରାହୁଲଙ୍କ ହେଲିକପ୍ଟରକୁ ଶୁକ୍ରବାର ରେୱାଡିର କେଏଲପି କଲେଜ ପଡିଆରେ ଜରୁରୀକାଳୀନ ଅବତରଣ କରାଯାଇଥିଲା । ଏହି ଅବସରରେ ରାହୁଲ ସେଠାରେ କିଛି ପିଲାଙ୍କ ସହ ଗଲି କ୍ରିକେଟର ମଜା ନେଇଥିଲେ ।
ରେୱାଡି ଠାରେ କିଛି ସମୟ ଅଟକିଥିଲେ ରାହୁଲ । ସେହି ସମୟରେ ସେ ପିଲାଙ୍କ ସହ ମିଶି କ୍ରିକେଟ ଖେଳିଥିଲେ । ପରେ ରାହୁଲ ସଡକ ପଥରେ ଦିଲ୍ଲୀ ଫେରିଥିଲେ ।
ରେୱାଡିରେ ହେଲିକପ୍ଟର ଜରୁରୀକାଳୀନ ଅବତରଣ ପରେ ରାହୁଲଙ୍କ ସହ ଫଟୋ ଉଠାଇବା ପାଇଁ ଭିଡ ଜମିଥିଲା । ରାହୁଲଙ୍କ ସହ ସେଲ୍ଫି ନେଇଥିଲେ ସ୍ଥାନୀୟ ଜନତା ଓ ନେତା ।
