ମୁମ୍ବାଇ: ଏକଜିଟ୍ ପୋଲର ଫଳାଫଳ ଆସିବା ପରେ ବିଜେପି କର୍ମୀ ଏବଂ ସମର୍ଥକ ବହୁତ ଖୁସି ଅଛନ୍ତି । ମୁମ୍ବାଇର ବୋରିବଲୀ ଅଞ୍ଚଳରେ ବିଜେପି ନିଜର ବିଜୟ ଖୁସିରେ ଉତ୍ସବ ମନାଇବା ପାଇଁ ସଜବାଜ ହେଲେଣି । ମିଠା ଦୋକାନୀ ମଧ୍ୟ ଏହି ଉତ୍ସବରେ ସାମିଲ ଅଛନ୍ତି । ଏହି ଅଞ୍ଚଳରେ ଥିବା ସମସ୍ତ ମିଠା ଦୋକାନୀମାନେ ମୋଦି ମାସ୍କ ପିନ୍ଧି ଲଡୁ ବନାଉଥିବା ନଜର ଆସିଛି । ଯାହାକି ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ମୁମ୍ବାଇର ଉତ୍ତର ପଶ୍ଚିମ ଲୋକସଭା ଆସନ ଅନ୍ତର୍ଗତରେ ବୋରିବଲୀ ଅଞ୍ଚଳଟି ସାମିଲ ଅଛି । ଏହି ଅଞ୍ଚଳରୁ ବିଜେପି ସାଂସଦ ଗୋପାଲ ସେଠୀ ନିର୍ବାଚନ ଲଢୁଛନ୍ତି । ତେବେ ଏକଜିଟ ପୋଲର ଫଳାଫଳ ଆସିବା ପରେ ବିଜେପି ସମର୍ଥକ ବେଶ ଖୁସି ଥିବା ଜଣାପଡିଛି । ତେଣୁ ମେ 23 ତାରିଖ ଫଳାଫଳ ଆସିବା ପୂର୍ବରୁ ଏଠାରେ ମିଠାଦୋକୀନୀ ଲଡୁ ବନେଇବା ଆରମ୍ଭ କଲେଣି ।
ସୂଚନା ଅନୁସାରେ ବୋରିବଲୀ ଆସନରୁ ବିଜେପି ସାଂସଦ ଗୋପାଲ ସେଠୀଙ୍କୁ ଟକ୍କର ଦେଉଛନ୍ତି ବଲିଉଡ ଅଭିନେତ୍ରୀ ତଥା କଂଗ୍ରେସ ପ୍ରାର୍ଥୀ ଉର୍ମିଲା ମାତୋଣ୍ଡକର । ଏନେଇ ବିଜେପି କର୍ମୀ ଅମିତ ବ୍ୟାସଙ୍କ କହିବା କଥା ହେଲା ଏକଜିଟ ପୋଲ ପୂର୍ବରୁ 1500 କେଜି ଲଡୁ ଅଡର ଦିଆଯାଇଥିଲା । ଏକଜିଟ ପୋଲ ପରେ ଆହୁରି 1500 କେଜି ଲଡୁ ଅଡର ଦିଆଯାଇଛି । ଗୁରୁବାର ନିର୍ବାଚନୀ ଫଳାଫଳ ଆସିବା ପରେ ଏହି ସମସ୍ତ ଲଡୁ ବଣ୍ଟାଯିବ ।
