ନୂଆଦିଲ୍ଲୀ: ପ୍ରଚାରରେ ପରପ୍ପରକୁ କଟୁ ମନ୍ତବ୍ୟ ଦେବା ରାଜନୀତିରେ ନୂଆ କଥା ନୁହେଁ । ଏବି ରାଜଧାନୀ ଦିଲ୍ଲୀ ପାଇଁ ଜୋରଦାର ପ୍ରଚାର, ରାଲି, ସାଧାରଣ ସଭା ଜାରି ରଖିଛନ୍ତି ରାଜନୈତିକ ଦଳ । ଏହା ଭିତରେ ଆପ୍ ଓ ବିଜେପି ମଧ୍ୟରେ ତୁ ତୁ ମେଁ ମେଁ ବଢିବାରେ ଲାଗିଛି । ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଓ କେନ୍ଦ୍ର ଗୃହ ମନ୍ତ୍ରୀ ଅମିତ ଶାହଙ୍କ ମଧ୍ୟରେ ବାକ ଯୁଦ୍ଧ ସୀମା ଟପିବାରେ ଲାଗିଛି । ଅମିତ ଶାହଙ୍କୁ ଟାର୍ଗେଟ କରି ଆତଙ୍କବାଦ ବୟାନକୁ ନେଇ କଡା ଜବାବ ଦେଇଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ କେଜ୍ରିୱାଲ । କିଛି ଲୋକ ମୋତେ ଆତଙ୍କବାଦୀ କହୁଛନ୍ତି । କିନ୍ତୁ ମୁଁ ଆତଙ୍କବାଦୀ ନୁହେଁ ଜଣେ ଏକନିଷ୍ଠ ଦେଶଭକ୍ତ ।
ସୂଚନା ଅନୁସାରେ କେଜ୍ରିୱାଲ ବାବରପୁର ବିଧାନସଭା କ୍ଷେତ୍ରରେ ଗୋପାଳ ରାୟଙ୍କୁ ସମର୍ଥନ ନେଇ ଆୟୋଜିତ ସାଧାରଣ ସଭାରେ ସମ୍ବୋଧିତ କରି ବିଜେପିକୁ କଡା ଜବାବ ଦେଇଛନ୍ତି । ସେ କହିଛନ୍ତି, ଏବେ ଦିଲ୍ଲୀରେ ଅନେକ କାର୍ଯ୍ୟ କରିବା ବାକି ଅଛି । ଆଗାମୀ 5 ବର୍ଷରେ ସମସ୍ତ କାର୍ଯ୍ୟ ସମ୍ପୂର୍ଣ୍ଣ ହେବ ।
ସୂଚନାଯୋଗ୍ୟ ଯେ, ନୂଆଦିଲ୍ଲୀରେ ଆୟୋଜିତ ଏକ ନିର୍ବାଚନ ସଭାରେ ବିଜେପି ସାଂସଦ ପ୍ରବେଶ ବର୍ମା ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ବାଲଙ୍କୁ ଆତଙ୍କବାଦୀ ବୋଲି ସମ୍ବୋଧନ କରିଥିଲେ।
