ରାଞ୍ଚି: ପ୍ରାୟ 3 ମାସ ଧରି ବନ୍ଦ ଥିବା ଝାଡ଼ଖଣ୍ଡର ବେଟ୍ଲା ଜାତୀୟ ଉଦ୍ୟାନ ଖୋଲିବାକୁ ଯାଉଛି । ଏନେଇ ପର୍ଯ୍ୟଟକ ଖୁସି ଜାହିର କରିଛନ୍ତି । ଏହା ସହିତ ସ୍ଥାନୀୟ ଅଞ୍ଚଳରେ ବେଶ ଖୁସିର ମାହୋଲ ମଧ୍ୟ ଦେଖିବାକୁ ମିଳିଛି । ଗତ ଜୁଲାଇ ପହିଲାରୁ ଏହି ପାର୍କକୁ ବନ୍ଦ କରି ଦିଆଯାଇଥିଲା ।
ସେପଟେ ଚଳିତ ବର୍ଷ ଅକ୍ଟୋବର 1 ତାରିଖରୁ ଏହି ପାର୍କ ଖୋଲିବାକୁ ଯାଉଛି । ସ୍ଥାନୀୟ ଅଞ୍ଚଳରେ ବ୍ୟବସାୟୀ ମଧ୍ୟ ଏନେଇ ଖୁସି ଜାହିର କରିଛନ୍ତି । ପର୍ଯ୍ୟଟକଙ୍କ ଆଗମନ ପାଇଁ ଛୋଟ ତଥା ହୋଟେଲ ବ୍ୟବସାୟୀ ପ୍ରସ୍ତୁତି ଆରମ୍ଭ କରି ସାରିଲେଣି । ଏପରିକି କିଛି ହୋଟେଲ ବିଦେଶୀ ପର୍ଯ୍ୟଟକଙ୍କ ଠାରୁ ଆଡଭାନ୍ସ ବୁକିଂ ମଧ୍ୟ କରିସାରିଲେଣି । ଅନୂରୁପ ଭାବେ ପର୍ଯ୍ୟଟକ ମଧ୍ୟ ପାର୍କ ଖୋଲିବାକୁ ନେଇ ଅପେକ୍ଷା କରି ରହିଛନ୍ତି ।
ପାର୍କ ଖୋଲିବାକୁ ନେଇ ଛୋଟ ବ୍ୟବସାୟୀ, ଗାଡ଼ି ବ୍ୟବସାୟୀ ମଧ୍ୟ ବେଶ ଖୁସି ପ୍ରକାଶ କରିଛନ୍ତି । ପାର୍କ ବନ୍ଦ ହେବା ପରଠାରୁ ଏମାନଙ୍କର ରୋଜଗାର ଏକ ପ୍ରକାର ଠପ ହୋଇ ଯାଇଥିଲା । ପାର୍କ ଖୋଲିବା ସହିତ ଏମାନଙ୍କ ବ୍ୟବସାୟ ପୁନର୍ବାର ଆରମ୍ଭ କରିବାକୁ ପ୍ରସ୍ତୁତି କରିସାରିଲେଣି ।
