ନୂଆଦିଲ୍ଲୀ: ଉଡ୍ଡାନର ତିନୋଟି ସଫଳ ପର୍ଯ୍ୟାୟ ପରେ ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ଚତୁର୍ଥ ରାଉଣ୍ଡ ଆଞ୍ଚଳିକ ଯୋଗାଯୋଗ ଯୋଜନା (ଆରସିଏସ୍) ଆରମ୍ଭ କରିଛି । ଏହି ଉଡାନ ବା ଉଡେ ଦେଶ କା ଆମ୍ ନାଗରିକ(UDAN)ଯୋଜନା ଅଧୀନରେ ଦେଶର 78ଟି ନୂଆ ରୁଟକୁ ଅନୁମୋଦନ କରିଛି।
ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ପକ୍ଷରୁ ଜାରି ବିଜ୍ଞପ୍ତି ଅନୁଯାୟୀ, ଉତ୍ତର-ପୂର୍ବାଞ୍ଚଳ, ପାହାଡ଼ିଆ ରାଜ୍ୟ ତଥା ଦ୍ୱୀପପୁଞ୍ଜକୁ ନୂତନ ରୁଟ ପାଇଁ ଅନୁମୋଦନ ପ୍ରକ୍ରିୟାରେ ପ୍ରାଥମିକତା ଦିଆଯାଇଛି। 29ଟି ସେବା, ଆଠଟି ଅଣସେବା, ଦୁଇଟି ହେଲିପୋର୍ଟ, ଗୋଟିଏ ୱାଟର ଏରୋଡ୍ରୋମ ଏବଂ ଦୁଇଟି ଅଣସଂରକ୍ଷିତ ବିମାନବନ୍ଦରକୁ ଅନୁମୋଦିତ କରାଯାଇଛି । ଉଡ୍ଡାନ ଯୋଜନା ଅଧିନରେ ଏପର୍ଯ୍ୟନ୍ତ 766ଟି ରୁଟକୁ ଅନୁମୋଦନ ମିଳିଥିବା ସୂଚନା ମିଳିଛି ।
