ନୂଆଦିଲ୍ଲୀ: କୋଭିଡ-19 ମହାମାରୀ ପରେ ଆରମ୍ଭ ହୋଇଥିବା ଇ-ଅଫିସର ପଦକ୍ଷେପ ଭାବେ ପେନସନଭୋଗୀଙ୍କ ସୁବିଧା ପାଇଁ ମୋବାଇଲ ଆପ ଲଞ୍ଚ କଲା କେନ୍ଦ୍ରୀୟ ଔଦ୍ୟୋଗିକ ସୁରକ୍ଷା ବଳ(ସିଆଇଏସଏଫ) । ଶୁକ୍ରବାର ଏ ନେଇ ସୂଚନା ଦିଆଯାଇଛି ।
ସିଆଇଏସଏଫର ଜଣେ ମୁଖପାତ୍ର କହିଛନ୍ତି କି, ଏହି ଆପ ଉଭୟ ୱେବ ଏବଂ ଆଣ୍ଡ୍ରଏ଼ ପ୍ଲାର୍ଟଫର୍ମରେ ଉପଲବ୍ଧ ହେବ । ଏଥିରେ ପେନସନଭୋଗୀମାନେ ସେମାନଙ୍କର ତଥ୍ୟ ପାଇପାରିବେ । ଏହି ଆପରେ, ପେନସନଭୋଗୀମାନଙ୍କୁ ନିକଟସ୍ଥ ସିଆଇଏସଏଫ ୟୁନିଟରେ ହେବାକୁ ଥିବା ଗୁରୁତ୍ୱପୂର୍ଣ୍ଣ କାର୍ଯ୍ୟକ୍ରମର ନିମନ୍ତ୍ରଣ ମଧ୍ୟ ପଠାଯିବ ।
ବର୍ତ୍ତମାନ ଏହି ଫୋର୍ସରେ 36,000 ପେନସନଭୋଗୀ ଅଛନ୍ତି। ତେବେ ଆପଲ ଫୋନ ପାଇଁ ଏହାର ଆଇଓଏସ ଭର୍ସନ ଖୁବ ଶୀଘ୍ର ପ୍ରସ୍ତୁତ ହେବ ବୋଲି ସିଆଇଏସଏଫ ମୁଖପାତ୍ର ସୂଚନା ଦେଇଛନ୍ତି ।
