ନୂଆଦିଲ୍ଲୀ: ଏଲଏସିରେ ଭାରତ-ଚୀନ ପୁଣି ଥରେ ମୁହାଁମୁହିଁ ହୋଇଛନ୍ତି । ପ୍ରକୃତ ନିୟନ୍ତ୍ରଣ ରେଖାରେ ଉଭୟ ଦେଶର ସୈନ୍ୟ ମୁହାଁମୁହିଁ ହୋଇଛନ୍ତି । ଅଗଷ୍ଟ 29 ଓ 30 ରାତିରେ ପେଙ୍ଗଙ୍ଗ ହ୍ରଦ ନିକଟରେ ପୁଣିଥରେ ଚୀନ ସେନାର ଗତିବିଧି ବଢିଯାଇଥିଲା । ଯାହାକୁ ଭାରତୀୟ ଯବାନ କଡା ଜବାବ ଦେଇଛନ୍ତି ।
ସେନା ମୁଖପାତ୍ର କର୍ଣ୍ଣଲ ଅମନ ଆନନ୍ଦ କହିଛନ୍ତି ଯେ, ‘ଯବାନମାନେ ଚୀନ ସୈନିକଙ୍କ ଚାଲାକିକୁ ଭଣ୍ଡୁର କରିଛନ୍ତି ।’ ଏହାସହ ଚୀନ ସୈନିକ ରାଜନୈତିକ ସ୍ତରରେ ନିଆଯାଇଥିବା ସର୍ବସମ୍ମତି ନିଷ୍ପତ୍ତିକୁ ଉଲ୍ଲଂଘନ କରିଛନ୍ତି ବୋଲି ମଧ୍ୟ ସେ କହିଛନ୍ତି ।
ସେନା ପକ୍ଷରୁ କୁହାଯାଇଛି ଯେ, ଚୁସୁଲରେ ଉଭୟ ଦେଶର କମାଣ୍ଡରସ୍ତରୀୟ ବୈଠକ ଜାରି ରହିଛି । ଏହାସହ ଭାରତୀୟ ସେନା କଥାବାର୍ତ୍ତା ମାଧ୍ୟମରେ ଶାନ୍ତି ବଜାୟ ରଖିବାକୁ ପ୍ରୟାସ କରୁଛି । ଯଦି ଏହାର କିଏ ଉଲଘଂନ କରେ ତାକୁ ଜବାବ ଦିଆଯିବ ।
ପେଙ୍ଗଙ୍ଗ ଅଞ୍ଚଳରେ କଣ ରହିଛି ବିବାଦ
ଲଦାଖରେ 134 କିଲୋମିଟର ଲମ୍ବା ପେଙ୍ଗଙ୍ଗ ହ୍ରଦ ହିମାଳୟର 14000 ଫୁଟ୍ ଉଚ୍ଚରେ ଅବସ୍ଥିତ । ଏହି ହ୍ରଦର 45 କିଲୋମିଟର କ୍ଷେତ୍ର ଭାରତରେ ପଡୁଛି । ଯେଉଁଠିକି 90 କିଲୋମିଟର ଅଞ୍ଚଳ ଚୀନରେ ଆସୁଛି । ତେବେ ଏଲଏସି ଏହାରି ମଧ୍ୟରେ ଯାଉଛି । ହେଲେ ସମସ୍ତ ହ୍ରଦ ଚୀନ ସୀମାରେ ଆସୁଛି ବୋଲି ଚୀନ ଦାବି କରୁଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
