କୋଡ଼ାଗାଓଁ: ଛତିଶଗଡ଼ ପାଇଁ ଗର୍ବ ଓ ଗୌରବ ପାଲଟିଛନ୍ତି ମାଓ ଅଧ୍ୟୁଷିତ କୋଣ୍ଡାଗାଓଁ ଜିଲ୍ଲାର ନିତ୍ୟା । ନିତ୍ୟା ଚଳିତ ବର୍ଷ କଳ୍ପନା ଚାଓ୍ବଲା ସ୍କଲାରସିପ ପ୍ରୋଗ୍ରାମ ପାଇଁ ମନୋନୀତ ହୋଇଛନ୍ତି । ତେବେ ନିତ୍ୟା ମହାକାଶ ଯାତ୍ରୀ ହେବାକୁ ସବୁବେଳେ ସ୍ବପ୍ନ ଦେଖୁଥିବା ବେଳେ କଳ୍ପନା ଚାଓ୍ବଲାଙ୍କୁ ନିଜର ରୋଲ ମଡେଲ ଭାବେ ଗ୍ରହଣ କରିଛନ୍ତି । ଏଥିପାଇଁ ସେ ଫ୍ରାନ୍ସରେ ପହଞ୍ଚିଛନ୍ତି ।
ଏହି ସ୍କଲାରସିପ ପାଇଁ ଦେଶରୁ 4 ଜଣ ମନୋନୀତ ହୋଇଛନ୍ତି । ଏହି 4 ଜଣଙ୍କ ମଧ୍ୟରେ ନିତ୍ୟା ସାମିଲ ଅଛନ୍ତି । ତେବେ ଏହି 4 ଜଣ ପ୍ରତିଭା ସ୍ପେଶ ୟୁନିଭର୍ସିଟିରେ ରହି ଫେଲୋସିପ କରିପାରିବେ । 65 ଦିନ ଧରି ହେବାକୁ ଥିବା ଏହି ଫେଲୋସିପ ଆସନ୍ତା ଅଗଷ୍ଟ ମାସ 24 ତାରିଖରେ ଶେଷ ହେବ । ଏହା ପରେ ସେଠାରେ ରହି ପିଏଚଡ଼ି କରିବାକୁ ଇଚ୍ଛା ରଖିଛନ୍ତି ନିତ୍ୟା ।
କଳ୍ପନା ଚାଓ୍ବଲାଙ୍କୁ ଭାବନ୍ତି ରୋଲ ମଡେଲ
ନିତ୍ୟା ଆଷ୍ଟ୍ରୋଫିଜିକ୍ସରେ ଏମଏସସି କରିଛନ୍ତି । ଏହି ବର୍ଗରେ ସେ ପ୍ରଥମ ଶ୍ରେଣୀରେ ଉନ୍ନିତ ହୋଇଛନ୍ତି । ନିତ୍ୟାଙ୍କ ବାପା ବିପି ପାଣ୍ଡେ କୁହନ୍ତି ସେ ମହାକାଶର ଦୁନିଆ ନିତ୍ୟାକୁ ଏକ ପ୍ରକାର ଆକର୍ଷିତ କରିଥାଏ । ସେ ଯେଉଁଠାରେ ବି ରୁହେ, ସେଠାରେ ମହାକାଶର ଚିତ୍ର, କଳ୍ପନାଙ୍କ ଫଟୋଚିତ୍ର ପ୍ରଭୃତି ଲଗାଇଥାଏ । ଶ୍ରୀ ପାଣ୍ଡେ ନିକଟସ୍ଥ ଏକ ସ୍କୁଲର ପ୍ରଧାନ ଶିକ୍ଷକ ଭାବେ କାର୍ଯ୍ୟ କରନ୍ତି ।
ଆରମ୍ଭରୁ ପଢାରେ ଧ୍ୟାନ
ନିତ୍ୟା ଆରମ୍ଭରୁ ପାଠପଢା ପ୍ରତି ବେଶ ଧ୍ୟାନମଗ୍ନ ରହି ଆସିଛନ୍ତି । ନିଜର ସ୍ନାତକ ଶିକ୍ଷା ଲାଭ ପରେ ସେ ନିକଟସ୍ଥ ରବିଶଙ୍କର ବିଶ୍ବାବିଦ୍ୟାଳୟରେ ମାଷ୍ଟର ଇନ ସାଇନ୍ସ(ଆଷ୍ଟ୍ରୋ ଫିଜିକ୍ସ)ରେ ଶିକ୍ଷା ଲାଭ କରିଛନ୍ତି . 2018 ମସିହାରେ ସେ ଆଷ୍ଟ୍ରୋଫିଜିକ୍ସରେ ପ୍ରଥମ ଶ୍ରେଣୀରେ ଉନ୍ନିତ ହୋଇଛନ୍ତି ।
ETV BHARAT ପକ୍ଷରୁ ନିତ୍ୟାଙ୍କ ଏହି ସଫଳତା ପାଇଁ ଅନେକ ଅନେକ ଶୁଭେଚ୍ଛା ଓ ଶୁଭକାମନା । ଗୋଟିଏ ପଟେ ଚନ୍ଦ୍ରକୁ ଚନ୍ଦ୍ରଯାନ-2 ପଠାଇ ଇତିହାସ ରଚିଥିବା ବେଳେ ସେପଟେ ନିତ୍ୟାଙ୍କ ଏହି ସଫଳତା ଛତିଶଗଡ଼ ପାଇଁ ଗର୍ବ ଓ ଗୌରବର ବିଷୟ ପାଲଟିଛି ।
