ନୂଆଦିଲ୍ଲୀ: ଲକଡାଉନରେ ଚକ ଅଖ ବନ୍ଦ । ଗଡୁନି ଗାଡି ମଟର । ଏତିକି ବେଳେ ଅତ୍ୟାବଶ୍ୟକ ସାମଗ୍ରୀ ପହଞ୍ଚାଇବା ପାଇଁ ନୂଆ ପନ୍ଥା ଆପଣାଇଛନ୍ତି ବ୍ୟବସାୟୀ । ଏନେଇ ଦିଲ୍ଲୀ ତଥା ଏସିଆ ମହାଦେଶର ସବୁଠାରୁ ବଡ ତେଜରାତି ମାର୍କେଟ ଚାନ୍ଦିନୀ ଚୌକରେ ଜିନିଷ ଯୋଗାଇବାକୁ ସଗଡଗାଡିରେ ମାଲ ପରିବହନ କରୁଥିବା ଦେଖିବାକୁ ମିଳିଛି ।
ଏନେଇ ଜଣେ ବ୍ୟବସାୟୀ କହିଛନ୍ତି ଲକଡାଉନ ସମୟରେ ଯେମିତି କୌଣସି ବାଧା ସୃଷ୍ଟି ନହୁଏ ସେଥିପାଇଁ ଆମେ ଶଗଡ ଗାଡି ବ୍ୟବହାର କରୁଛୁ । ଚାନ୍ଦିନୀ ଚୌକର ଖାରି ବାଉଲି ଓ ନୟା ବଜାର ଏସିଆ ମହାଦେଶର ସବୁଠାରୁ ବଡ ତେଜତାରି ମାର୍କେଟ । ଯେଉଁଠି ପ୍ରତ୍ୟେକ ଦିନ ଲକ୍ଷ ଲକ୍ଷ ଟଙ୍କାର କାରବାର ହୋଇଥାଏ । ମସଲା, ବାଦାମ, ଖାଦ୍ୟ ଶସ୍ୟ, ହର୍ବ ଆଦି ଏହି ବଜାରରେ ସୁଲଭ ମୂଲ୍ୟରେ ମିଳିଥାଏ ।
ତେବେ ଜଣେ ବ୍ୟବସାୟୀ କହିଛନ୍ତି ପୂର୍ବରୁ ଆମକୁ ଏତେ କାମ ମିଳୁ ନଥିଲା । କିନ୍ତୁ ଲକଡାଉନ ଯୋଗୁଁ ଆମକୁ ବହୁତ କାମ ମିଳୁଛି । ଯେତେ ସମ୍ଭବ ସମୟ ଭିତରେ ଆମେ ଜିନିଷ ପହଞ୍ଚାଇବାକୁ ଚେଷ୍ଟା କରୁଛୁ । ସେଥିପାଇଁ ଆମେ ଶଗଡଗାଡିକୁ ଆପଣାଇଛୁ ।
