ନୂଆଦିଲ୍ଲୀ: ଆସନ୍ତାକାଲି ପ୍ରକାଶ ପାଇବ ସିବିଏସଇ ଦଶମ ପରୀକ୍ଷା ରେଜଲ୍ଟ । ପରୀକ୍ଷା ଫଳ ବାହାରିବା ନେଇ ସୂଚନା ଦେଲେ କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ରମେଶ ପୋଖରିୟାଲ । କେଉଁ ସମୟରେ ଫଳାଫଳ ଜଣାପଡିବ ସେନେଇ କୌଣସି ସୂଚନା ନାହିଁ ।
ପୋଖରିୟାଲ ଟ୍ବିଟ କରି କହିଛନ୍ତି, ଜୁଲାଇ 15ରେ ସିବିଏସଆଇର ଦଶମ ଶ୍ରେଣୀ ଫଳାଫଳ ପ୍ରକାଶ ପାଇବ। ଏଥିସହ ସେ ଛାତ୍ରାଛାତ୍ରୀଙ୍କ ଭବିଷ୍ୟତ କାମନା କରି ତାଙ୍କୁ ଶୁଭେଚ୍ଛା ଜଣାଇଛନ୍ତି ।
ସୋମବାର ମଧ୍ୟାହ୍ନ ସମୟରେ ସିବିଏସଇ ଦ୍ବାଦଶ ଶ୍ରେଣୀର ଫଳାଫଳ ପ୍ରକାଶ ପାଇଥିଲା । ଚଳିଚ ବର୍ଷ ପାସ ହାର ରହିଥିଲା 88.78 ପ୍ରତିଶତ । ଦେଶର ଟପ ତିନି ମଧ୍ୟରେ ତ୍ରିଭେନ୍ଦ୍ର, ବେଙ୍ଗାଲୁରୁ ଓ ଚେନ୍ନାଇ ରହିଛି । ଏଥିର ପୁଅଙ୍କ ଅପେକ୍ଷା ଝିଅ ଭଲ ପ୍ରଦର୍ଶନ କରିଛନ୍ତି ।
ସୂଚନାଯୋଗ୍ୟ , କୋରୋନା ମହାମାରୀ ପାଇଁ କେତେକ ବିଷୟରେ ପରୀକ୍ଷା ହୋଇପାରିନଥିଲା । ଆଭରେଜ ମାର୍କ ଦିଆଯିବ । ଯଦି ଛାତ୍ର କିମ୍ବା ଛାତ୍ରୀ ମାର୍କ ବଢାଇବାକୁ ଚାହାଁନ୍ତି ତେବେ ସେମାନଙ୍କ ପାଇ ପୁଣି ଏକ ପରୀକ୍ଷା କରାଯିବ । ତେବେ ଯଦି ପରିସ୍ଥିତି ଅନୁକୂଳ ରହେ ।
