ଲକ୍ଷ୍ନୌ: ଉତ୍ତରପ୍ରଦେଶ ହାଥରସ ଗଣଦୁଷ୍କର୍ମ ଓ ହତ୍ୟା ମାମଲାର ତଦନ୍ତ ପାଇଁ ପୁଣିଥରେ ସିବିଆଇ ଟିମ୍ ହାଥରସରେ ପହଞ୍ଚିଛି। ମଙ୍ଗଳବାର ସିବିଆଇ ଟିମ୍ ହାଥରସରେ ପହଞ୍ଚି ପ୍ରଥମେ ପୀଡିତାଙ୍କୁ ଦୁଷ୍କର୍ମ ହୋଇଥିବା ସ୍ଥାନ ପରିଦର୍ଶନ କରିଛି ।
ଏହା ପରେ ସିବିଆଇ ଟିମ୍ ପୀଡିତାଙ୍କ ଘରେ ପହଞ୍ଚି ପରିବାର ଲୋକଙ୍କୁ ପୁଣି ଥରେ ପଚରା ଉଚରା କରିଛି । ସୂଚନା ଅନୁଯାୟୀ ସେପ୍ଟେମ୍ବର 14ରେ ହାଥରସର ଜଣେ ଦଳିତ ଝିଅକୁ ଗଣଦୁଷ୍କର୍ମ କରାଯାଇଥିଲା। ଦିଲ୍ଲୀର ଏକ ହସ୍ପିଟାଲରେ ଚିକିତ୍ସା ଚାଲିଥିବା ସମୟରେ 29 ସେପ୍ଟେମ୍ବରରେ ପୀଡିତାଙ୍କ ମୃତ୍ୟୁ ଘଟିଥିଲା। ପରେ ଘଟଣାକୁ ନେଇ ଦେଶବ୍ୟାପୀ ବିରୋଧ ପ୍ରଦର୍ଶନ କରାଯାଇଥିଲା ।
ଘଟଣାରେ ସମ୍ପୃକ୍ତ ଥିବା ଚାରି ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି। ସିବିଆଇ ମାମଲାର ତଦନ୍ତ ଜାରି ରଖିଛି। ମଙ୍ଗଳବାର ସିବିଆଇ ଟିମର କିଛି ସଦସ୍ୟ ପୁଣି ଥରେ ଗାଁରେ ପହଞ୍ଚି ତଦନ୍ତ କରୁଛନ୍ତି। ସିବିଆଇ ବର୍ତ୍ତମାନ ପୀଡିତାଙ୍କ ପରିବାରବର୍ଗଙ୍କୁ ପଚରାଉଚରା କରୁଥିବା ଜଣାପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
