ପାଟନା: ବିହାରରେ ଅଣାୟତ ହେବାରେ ଲାଗିଛି ଏନସେଫାଲାଇଟିସ୍ ସିଣ୍ଡ୍ରୋମ । ଏହି ମାରାତ୍ମକ ଚମକି ଜ୍ବରରେ ଆକ୍ରାନ୍ତ ହୋଇ ବର୍ତ୍ତମାନ ସୁଦ୍ଧା 111 ଜଣ ଶିଶୁ ମୃତ୍ୟୁବରଣ କଲେଣି । ତେବେ ଏନେଇ ମୁଜାଫରପୁରର ଏକ ଅଦାଲତରେ କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ଡ.ହର୍ଷବର୍ଦ୍ଧନ ଏବଂ ବିହାର ସ୍ବାସ୍ଥ୍ୟମନ୍ତ୍ରୀ ମଙ୍ଗଲ ପାଣ୍ଡେଙ୍କ ବିରୁଦ୍ଧରେ ମାମଲା ଦାଏର ହୋଇଥିବା ଜଣା ପଡିଛି ।
ସମାଜସେବୀ ତମନ୍ନା ହାଶମୀ କୋର୍ଟରେ ଏହି ମାମଲା ଦାୟର କରିଛନ୍ତି । ଯାହାର ଶୁଣାଣି ଜୁନ 24 ରେ ହେବ । ସେପଟେ କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ହର୍ଷବର୍ଦ୍ଧନ ରବିବାର ମୁଜାଫରପୁର ଯାଇ ସ୍ଥିତି ଅନୁଧ୍ୟାନ କରିଥିଲେ । ଏହି ସମୟରେ କେନ୍ଦ୍ର ସ୍ବାସ୍ଥ୍ୟ ରାଜ୍ୟମନ୍ତ୍ରୀ ଅଶ୍ବିନୀ କୁମାର ଚୌବେ ମଧ୍ୟ ଉପସ୍ଥିତ ଥିଲେ । ସ୍ଥିତିର ସୁଧାର ପାଇଁ ସେ ଡାକ୍ତର ଏବଂ ସ୍ବାସ୍ଥ୍ୟ ଅଧିକାରୀଙ୍କ ସହ ସମୀକ୍ଷା ବୈଠକ କରିଥିଲେ ।
