ଲକ୍ଷ୍ନୌ: ଉତ୍ତର ପ୍ରଦେଶର ହାଥରସ ପୋଲିସ ଦିଲ୍ଲୀ ଆପ୍ ବିଧାୟକ କୁଲଦୀପ କୁମାରଙ୍କ ବିରୋଧରେ ମହାମାରୀ ଆଇନ ଅନୁସାରେ ମାମଲା ରୁଜୁ କରିଛି । କୁଲଦୀପ କୁମାର ସେପ୍ଟେମ୍ବର 29 ତାରିଖରେ କୋଭିଡ୍ ପଜିଟିଭ୍ ଆସିଥିବାବେଳେ ଅକ୍ଟୋବର 4 ତାରିଖରେ ହାଥରସରେ ଥିବା ଭିଡିଓ ପୋଷ୍ଟ କରିଥିବା ଦର୍ଶାଇ ପୋଲିସ ମାମଲା ରୁଜୁ କରିଛି । ଏନେଇ ସୂଚନା ଦେଇଛନ୍ତି ହାଥରସ ଏସପି ।
କୋଭିଡ୍ ପଜିଟିଭ୍ ଥାଇ ବି ବିଧାୟକ ଜଣଙ୍କ ଏପରି କରିଥିବାରୁ ତାଙ୍କ ବିରୋଧରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କାର୍ଯ୍ୟାନୁଷ୍ଠାନ ନିଅନ୍ତୁ ବୋଲି ଦିଲ୍ଲୀ ବିଜେପି ସଭାପତି କହିଛନ୍ତି ।
ସୂଚନାଥାଉକି, ହାଥରସ ଗଣଦୁଷ୍କର୍ମକୁ ନେଇ ରାଜନୀତି ଜୋର ଧରିଥିବାବେଳେ ଅନେକ ନେତା ପୀଡିତାଙ୍କ ପରିବାରକୁ ଭେଟିବାକୁ ହାଥରସ ଯାଇଥିଲେ ।
