ବୁର୍ଖା ପିନ୍ଧି ଶୌଚାଳୟରେ ଯୁବକ, ଆଉ ତାପରେ...

ବୁର୍ଖା ପିନ୍ଧି ମହିଳା ଶୌଚାଳୟରେ ପ୍ରବେଶ କଲେ ଜଣେ ୩୫ ବର୍ଷିୟ ବ୍ୟକ୍ତି । ପାଣାଜୀସ୍ଥିତ ସେଣ୍ଟ୍ରାଲ୍‌ ବସ୍‌ଷ୍ଟାଣ୍ଡ୍‌ରେ ଶନିବାର ଘଟିଛି ଏଭଳି ଅଭାବନୀୟ ଘଟଣା ।

ଗୋଆ: ବୁର୍ଖା ପିନ୍ଧି ମହିଳା ଶୌଚାଳୟରେ ପ୍ରବେଶ କଲେ ଜଣେ ୩୫ ବର୍ଷିୟ ବ୍ୟକ୍ତି । ପାଣାଜୀସ୍ଥିତ ସେଣ୍ଟ୍ରାଲ୍‌ ବସ୍‌ଷ୍ଟାଣ୍ଡ୍‌ରେ ଶନିବାର ଘଟିଛି ଏଭଳି ଅଭାବନୀୟ ଘଟଣା ।

ସୂଚନା ଅନୁଯାୟୀ, ବ୍ୟକ୍ତି ଜଣକ ବୁର୍ଖା ପରିଧାନ କରି ମୁହଁ ଢାଙ୍କି ମହିଳା ଶୌଚାଳୟରୁ ବାହାରୁଥିଲେ । ଏହି ସମୟରେ ସେ ସ୍ଥାନୀୟ ଲୋକଙ୍କ ନଜରରେ ପଡିଯାଇଥିଲେ । ଅଭିଯୁକ୍ତ ଜଣକ ବିରଜିଲ ଫର୍ଣ୍ଣାଣ୍ଡିଜ୍‌ । ସେ ଜଣେ ସରକାରୀ କର୍ମଚାରୀ ବୋଲି ଜଣାପଡିଛି ।

ମୁସଲମାନ ମହିଳା ସାଜି ଶୌଚାଳୟରେ ପ୍ରବେଶ କରିଥିବାରୁ ଅଭିଯୁକ୍ତଙ୍କ ବିରୁଦ୍ଧରେ ଧାରା 419 ଅଧିନରେ ଏକ ମାମଲା ରୁଜୁ କରାଯାଇଥିବା ଗୋଆ ପୋଲିସ ମୁଖପାତ୍ର କହିଛନ୍ତି ।