ଲୋକସଭା ନିର୍ବାଚନ ପାଇଁ 5 ପ୍ରାର୍ଥୀଙ୍କ ନାଁ ଘୋଷଣା କଲା ବିଏସପି

5 ଲୋକସଭା ଆସନ ପାଇଁ ବିଏସପିର ପ୍ରାର୍ଥୀ ଘୋଷଣା। ନକୁଳ ଦୁବେଙ୍କୁ ସୀତାପୁରରୁ ପ୍ରାର୍ଥୀ କରିଛି ଦଳ।

ଲକ୍ଷ୍ନୌ: ଲୋକସଭା ନିର୍ବାଚନ ପାଇଁ 5 ପ୍ରାର୍ଥୀଙ୍କ ନାଁ ଘୋଷଣା କରିଛି ବହୁଜନ ସମାଜବାଦୀ ପାର୍ଟି(ବିଏସପି) । ଧୋରହରାରୁ ଅରସଦ ଅହମଦ ସିଦ୍ଧିକି, ସୀତାପୁରରୁ ନକୁଳ ଦୁବେ, ମୋହନଲାଲଗଞ୍ଜରୁ ସି.ଏଲ. ବର୍ମା, ଫତେହପୁରରୁ ସୁଖଦେବ ପ୍ରସାଦ ଏବଂ କେସରଗଞ୍ଜ ପାଇଁ ଚନ୍ଦ୍ରଦେବ ରାମ ଯାଦବଙ୍କୁ ପ୍ରାର୍ଥୀ କରିଛି ଦଳ ।

ଚଳିତ ନିର୍ବାଚନରେ ଉତ୍ତରପ୍ରଦେଶରେ ଏକାଠି ନିର୍ବାଚନ ଲଢୁଛନ୍ତି ଏସପି ଏବଂ ବିଏସପି । ବିଜେପିକୁ ମାତ ଦେବା ପାଇଁ ମିଶିଛନ୍ତି ବୁଆ-ବବୁଆ । ବିଏସପି ଭାଗରେ ପଡିଥିବା ଆସନ ମଧ୍ୟରୁ ଆଜି 5 ଆସନରେ ପ୍ରାର୍ଥୀ ଦେଇଛି ଦଳ । ଦଳୀୟ କାର୍ଯ୍ୟଳୟ ପକ୍ଷରୁ ଏନେଇ ସୂଚନା ଦିଆଯାଇଛି ।