ବେଙ୍ଗାଲୁରୁ: କେନ୍ଦ୍ର ସରକାରଙ୍କ ଅଧିନରେ ଆସୁଥିବା ଟେଲିକମ ସର୍ଭିସ ଭାରତ ସଞ୍ଚାର ନିଗମ ଲିମିଟେଡ(ବିଏସଏନଏଲ)ର କର୍ମଚାରୀଙ୍କୁ ନେଇ ବିବାଦିତ ବୟାନ ଦେଇଛନ୍ତି ବିଜେପି ସାଂସଦ ଅନନ୍ତ କୁମାର ହେଗଡେ । ସରକାର ବିଏସଏନଏଲର ଘରୋଇକରଣ କରିବା ସହ 88 ହଜାରରୁ ଅଧିକ କର୍ମଚାରୀଙ୍କୁ ଛଟେଇ କରିବେ ବୋଲି ଏକ କାର୍ଯ୍ୟକ୍ରମରେ ହେଗଡେ କହିଛନ୍ତି । ଏହାସହ ସେ ବିଏସଏନଏଲର କର୍ମଚାରୀଙ୍କୁ ଗଦ୍ଦାର ମଧ୍ୟ କହିଛନ୍ତି ।
ବିଜେପି ସାଂସଦ ଅନନ୍ତ କୁମାର ହେଗଡେ ଅନେକ ସମୟରେ ନିଜର ବୟାନକୁ ନେଇ ବିବାଦ ଘେରରେ ରହି ଆସିଛନ୍ତି । ନିକଟରେ ଜାତିର ପିତା ମହାତ୍ମା ଗାନ୍ଧୀଙ୍କୁ ନେଇ ସେ ଦେଇଥିବା ଏକ ବୟାନ ଉପରେ ବିବାଦ ଜୋର ଧରିଥିଲା । ସ୍ବାଧିନତା ପାଇଁ ଗାନ୍ଧୀଙ୍କ ଅହିଂସା ଆନ୍ଦୋଳନ ଏକ ଡ୍ରାମା ବୋଲି କହିଥିଲେ ହେଗଡେ ।
