ନୂଆଦିଲ୍ଲୀ: ପୁଣି ଥରେ ଭାରତ ବାୟୁ ସୀମାରେ ପାକିସ୍ତାନ ଉଡାଇଲା ଡ୍ରୋନ । ପଞ୍ଜାବ ଫିରୋଜପୁର ହୁସୋନିୱାଲା ସୀମାନ୍ତରେ ପାକିସ୍ତାନ ପଟୁ ଏକ ଡ୍ରୋନ ଉଡୁଥିବା ଦେଖିବାକୁ ମିଳିଛି । ଗତକାଲି(ବୁଧବାର) ସନ୍ଧ୍ୟା ସମୟରେ ଏହାକୁ ଠାବ କରିଛି ବିଏସଏଫ । ତେବେ ଏହାକୁ ମିଶାଇ ତିନିଥର ପାକିସ୍ତାନ ପଟୁ ଡ୍ରୋନ ଠାବ ହେଲାଣି ।
ବୁଧବାର ସନ୍ଧ୍ୟା 7.15ରେ ସୁରକ୍ଷାକର୍ମୀ ଏହାକୁ ଦେଖିଥିଲେ । ଏହାପରେ ପୋଲିସ ଏହାର ତଦନ୍ତ କରୁଛି । ତେବେ ବାରମ୍ବାର ପାକିସ୍ତାନ ପଟୁ ପଞ୍ଜାବ ସୀମାରେ ଏପରି ଡ୍ରୋନ ଉଡୁଥିବାରୁ ଏହାକୁ ଗୁରୁତର ସହ ନେଇଛି ବିଏସଏଫ । କାହିଁକି ଏପରି ଡ୍ରୋନ ପାକିସ୍ତାନ ପଟୁ ଉଡୁଛି ତାହାର ତଦନ୍ତ ଜାରି ରହିଛି ।
ପୂର୍ବରୁ ମଧ୍ୟ ଦୁଇଥର ପଞ୍ଜାବ ସୀମାରେ ଡ୍ରୋନ ଦେଖିବାକୁ ମିଳିଥିଲା ।
